Messali Hadj (en arabi: مصالي الحاج), nascut en 1898 a Tlemcen, Argeria e mòrt lo 3 junh 1974 a Gouvieux, França, foguèt un òme politic nacionalista argerian e cap dels movements per l'independéncia d'Argeria. Cofondator de l'ENA (Estèla Nòrd-Africana), del PPA (Partit del Pòple Argerian) e del MTLD (Movement per lo Trionf de las Libertats Democraticas), abans de se dissociar de la lucha armada per l'independéncia en 1954. Fondèt tanben lo MNA (Movement Nacional Argerian) que luchèt contra lo FLN (Front de Liberacion Nacionala) per lo govèrn del movement nacionalista.