Melquiòr Bartés
Melquiòr Bartés (en francés Melchior Barthès; Sant Ponç de Tomièiras, 11 de genièr de 1818- 18 de febrièr de 1886) foguèt un escrivan e botanista occitan del país de Sant Ponç de Tomièiras.
Istòria
modificarMelquiòr Bartés nasquèt a Sant Ponç en 1818 dins una familha borguesa de mercadièrs. Faguèt son escolaritat al collègi de Bedarius abans de se n'anar a Montpelhièr ont estudièt la farmacia. La mòrt de son paire quand aviá pas que catòrze ans lo marquèt prigondament. Quand acabèt los estudis s'installèt a Sant Ponç e dobriguèt sa farmacia. Comencèt a escriure en occitan a l'entorn de sos vint ans, en 1838. En 1844 se maridèt amb Clarissa Semat, la sòrre de son amic Josèp. La publicacion en 1873 de son glossari botanic li valguèt de felicitacions de Frederic Mistral. En 1878 publiquèt lo primièr volum de sas Floretas de montanha, un recuèlh de poesias escrichas entre 1838 e 1842. Foguèt seguit d'un segond volum de poesias compausadas entre 1842 e 1870. Tre la debuta participèt a la Societat de Lengas Romanicas e publiquèt qualques òbras coma Lo plaidejaire dins la revista d'aquesta entitat e en 1881 venguèt Majoral del Felibritge. Èra membre de la Societat d'Orticultura e de Botanica d'Erau e mai dempuèi 1864 de la Société Botanique de France.
Moriguèt en seguida d'una malautiá longa en 1886.
Òbras
modificar- Glossaire botanique de l'arrondissement de Saint-Pons (1873)
- Floretas de montanha, 2 vol. (1878 e 1885)
Bibliografia
modificar- {{{títol}}}. ISBN 978-2-9533591-0-7.
Ligams extèrnes
modificar
Wikidata: Q12949656
