Projeccion frontala

(Redirigit dempuèi Matte painting)

La projeccion frontala o matte painting en anglés es un procediment cinematografic que consistís a pintrar un decòr n'i daissant d'espacis vuèits, ont una o mai d'una scènas filmadas son incorporadas.

Aquel sistèma economic permet d'espandir fins a l'infinit los rèireplans sens aver a bastir de decòr gigant. Foguèt pro utilizat pels films de sciéncia-ficcion (que Star Wars), perque permet de daissar larga plaça a la creativitat e a l'imaginari.

Tecnica modificar

Tradicionalament, s'utilizava de pinturas acrilicas sus veire per crear de scenas de talha variabla (a l'entorn de dos mètres carrats), verges de pigments sus de luòcs precís. Una scèna vertadièra (amb d'elements de decors en armonia) èra filmada a part, de biais que coïncide amb l'espaci daissat liure. I aviá tres tecnicas per fusionar l'ensems:

  • La projeccion en avant: la scèna filmada es projectada sus una placa de veire miègreflectritz e l'ensems se torna filmar per una autre camèra.
  • La retro-projeccion: la scèna filmada es projectada enré de la placa de veire, visibla per transparéncia, e l'ensems se torna filmar per una autra camèra.
  • L'imatge amagat: la scèna es filmada amb una resconduda. Sol un segment tèst (gaireben 60 mètres de filme) es desvolopat e projectetat sus la placa que se deu realizar la pintura. Los artistas veson atal exactement los contorns de la reconduda e pòdon realizar lor pintura. Lo rèste del filme es pas desvelopat. Quand lo matte painting es acabat, se torna utilzar lo meteis filme per filmar sonque la pintura. Atal lo filme conten la mescla de las scènas, ambedoas sul negatiu e sens sistèma de duplicacion, çó que melhora sa qualitat. Es un procés riscat, perque la mendra dèca de manipulacion damatja lo negatiu.

Lo nivèl de detalh de las pinturas sul veire depend de la durada de la scena: per mens de quatre segondas l'uèlh demora gaire suls details, arribat a detz o pòt. Una scèna de jorn demanda èsser mai detalhada qu'aquela realizada de nuèch. Tanben, lo centre de la pintura es trabalhat melhor que los marges, perque l'uèlh s'i pausa naturalament en primièr. La qualitat finala es garantida per un ajustament precís dels contorns, de l'esclairatge, e pel fach que se dona mai l'attencion sus l'accion (qu'es vertadièrament filmada), puslèu que sul decosr.

A l'ora d'ara, los matte paintings son realizats informaticament, mai sovent per modelizacion 3D, e venon de vertadièrs « decors numerics ». S'agís de fach d'una de las nombrosas sisas incorporadas dins la composicion numerica finala d'un efècte especial cinematografic.

L'utilizacion de decors sus veire fa impossible l'estereoscopia impossible.

Ligams extèrnes modificar