Marsan (parçan)

Marsan, o lo Marsan, qu'ei un vescomtat qui èra possession deus ancians comtes de Fois e vescomtes de Bearn; qu'ei un petit parçan de Gasconha pertanhent (dab lo Gavardan tòca tocant) a las Lanas Petitas. Que's troba au sud deu departament de las Lanas e la soa capitau qu'ei Lo Mont.

Mapa de las Lanas dab las Lanas Petitas (Marsan e Gavardan)

Toponimia

L'origina deu nom que vien deu latin Marcianus (lo domei de Marcius).

Geografia

Marsan que costeja au sud Shalòssa e Ador, au sud-èst Tursan a l'èst lo Baish Armanhac, a l'oèst l'Agués e au nòrd la Lana Gran.

Istòria

Los vescomtes de Marsan que son originaris de Ròcahòrt en Gasconha dens las Lanas. Lo Marsan que passè devath la dominacion deus vescomtes de Bearn ; Gaston Febus qu'i bastí lo castèth de Nolivòs ; deus Fois-Bearn, Marsan que passè aus Labrit puish au Noste Enric qui'u juntè au Reiaume de França.

• Portau de Gasconha