Marc Arcís

Marc Arcis (A l'entorn de Mosens, 1652 – Tolosa, 26 d'octobre de 1739), foguèt un escultor occitan del país tolosan.

Autoretrach servat al Musèu dels Augustins a Tolosa

Biografia

Venguèt lo discípol del pintor tolosan Antòni Rivals, e probablament a l'encòp de l'escultor Gervasi Droet. De 1674 a 1677 realizèt qualques bustes dins la galariá dels Illustres de Tolosa, los del rei francés Loís XIV, de l'escrivan occitan Pèire Godolin, de Marcus Antonius Primus e d'un desconegut. Partiguèt puèi aprigondir son talent en França e demorèt durant 10 ans a París e mai se contunhava de servir las comandas de sos clients tolosans. A partir de 1690 partatgèt sos trabalhs entre la capitala francesa e la vila mondina.

A París, participèt a la decoracion interiora de la glèisa de la Sorbona e faguèt qualques òbras dins Versailles. Foguèt recebut a l'Acadèmia en 1684 e venguèt alara escultor del rei de França.

Aprèp 1698, Arcís se'n tornèt viure definitivament a Tolosa ont decorèt mantas capèlas. Entre 1718 e 1739 dirigiguèt los melhoraments del còr de la basilica de Sant Sarnin e del retaule de l'autar màger de la catedrala de Sant Estève.

Òbras

• 
  Lo profèta Elisèu, al Musèu dels Augustins de Tolosa
• 
  Lo profèta Agab, al Musèu dels Augustins
• 
  Autar de la Basilica de Sant Sarnin, Marc Arcís es autor del relèu en plomb daurat del frente.
• 
  Medalhon de Sant Marc, d'una tièra de 12 medalhons a l'interior de la glèisa de Notre Dame de Versalles.