Mar Ishai Shimun XXIII

Mar Ishai Shimun XXIII (26 de heurèr de 1908 - 6 de noveme de 1975) qu'estó primat de la Glèisa Assiriana de l'Èst despuish 1920 dinc au son assassinat.

Biografia

Que vadó dens la familha patriarcau a Quchanes, en Hakkari, dens l'Empèri Otoman. Durant lo Genocidi Assirian qu'estó elegit primat a l'edat d'11 ans arron de la mort deu son oncle. Qu'arrecebó la soa educacion en Anglatèrra; que hasó los sons estudis de Teologia a Canterbury e a Westcott House (collègi de l'Universitat de Cambridge). Qu'arrevirè mantun libe de Teologia e Istòria de la Glèisa de l'Èst. L'incertitud e l'inestabilitat politica per l'independéncia d'Iraq deu maine coloniau britanic que'u forcèn a se n'anar en Chipre, puish en 1940 en Estats Units (Chicago, Illinois); de cap a 1949 que vadó ciutadan american e en 1954 que's installè au vesinatge de San Francisco.

En 1964 lo metropolitan de la Glèisa de l'Èst en Índia qu'arrompó a causa d'un desacòrd sus la succession ereditària e suu calendari liturgic. En 1995 lo successor de Mar Ishai, Mar Dinkha IV, que podó «suenhar la blaçadura». Totun, un petit grop, l'Anciana Glèisa de l'Èst, que demora separat deu còs principau de la Glèisa de l'Èst.