Magazine 60

Magazine 60 (en occitan :"Revista 60") èra un grop francés originari del canton de Lilla (dins lo Nòrd de França) fondat en 1981 pel compositor Jean-Luc Drion ambe Yves, Marc e Danielle Delval.

A la debuta, lo grop s'acontenta de far de represas de succèsses de las annadas 1960 (çò qu'explica lor nom "Revista 60"). Pasmens, en 1983, en seguida d'un desacòrd ambe la frairièra Delval, Jean-Luc Drion contunha Magazine 60 sens eles e aqueste còp, ambe Dominique Regia-Corte e Pierre Mastro (dich « El Chico »), càmbia alavetz d'estili e se vira cap a la synthpop. Obtendràn dos tubes, "Don Quichotte (No estan aqui)", plan gròssa capitada en 1985, tròç qu'a la particularitat d'èsser cantat en espanhòl, e un chic mens popular a la debuta de 1986, "Rendez-vous sur la Costa del Sol" (tròç cantat dins una mescla de francés, d'anglés e d'espanhòl).

Aquesta meteissa annada de 1985, mentre que Magazine 60 es al som de sa popularitat ambe "Don Quichotte", Jean-Luc Drion e Dominique Regia-Corte fondan en parallèl un autre grop synthpop, anglofòn aqueste : Monte Kristo.