MMA

Las arts marcialas mixtas, sovent designats per la sigla anglesa MMA (mixed marcial arts), e ancianament apelats combat liure o free-fight, son un espòrt de combat complèt, associant pugilat e lucha al còs a còs. Los dos combatents pòdon utilizar de nombrosas tecnicas ; segon las federacions, son autorizadas las tecnicas de percussion talas coma còps de pè, de ponh, de genolh e de coide, mas tanben las tecnicas de prension en còs a còs, de projeccions e de somission (grappling) e de còps de las tecnicas particularas de percussion al sòl.

Aquel espòrt es considerat coma recent, e mai eficaç qu'artistic. Las arts marcialas mixtas existisson en realitat dempuèi fòrça longtemps (per la lucha e lo pugilat). Se'n retròba de las traças dins las aplicacions de combat de nombrosas arts marcialas ancians.

Accessòris

Pendent las competicions professionalas de MMA, un combatent deu aver sus el dels vestits e de las proteccions especificas.

Pel cap, lo combatent se deu d'aver un protegís-dent e abans de dintrar dins l'octogòn o lo ring, un mètge aplica sus la cara del combatent de la vaselina qu'a per tòca d'evitar las copaduras e los fregadisses. Solas las femnas son concernidas per una proteccion del bust, puèi que pòrtan un protegís-peitrina. Los combatents masculins meton un clòsc per reduire las consequéncias d'un còp (illegal) dins las partidas genitalas. Per las mans, lo combatent met de bendas finas (utilizadas per totes los espòrts de combats) per se protegir las falanjas puèi se carga los gants caracteristics del MMA. En efièch, lo gant de MMA, al contra del gant de bòxa, s'arrèsta al mièg dels dets per permetre de sasir l'adversari.

Pels combatents professionals, son lors esponsòrs que lor fornisson los accessòris. Per las competicions amatrises de MMA, d'autres accessòris permeton de garantir l'integritat del combatent, talas coma de cascos e protegisses-tíbias que protegisson tanben lo dessús del pè.