Bòxa anglesa
La bòxa (si ditz bòxa anglesa per evitar de confondre leis estils de bòxa diferents) es un espòrt de combat onte dos adversaris, de mema categoria de pes, si rescòntran sus un ring, ambé de gants de bòxa per de dire de limitar lei risques de copadura, e s'escambián de còups de ponhs, portats au visatge e pertot ensús de la cintura. Lo combat si devesís en intervalles de temps, lei rounds (o represas), separats per una minuta de repaus anonciat per una campana, onte lo pugilista si poirà far conselhar e sonhar se n'a besonh.
