Mètro de Serfaus

	Sus d'autres projècte de Wikimedia:
<img alt="Commons" src="//upload.wikimedia.org/wikipedia/commons/thumb/4/4a/Commons-logo.svg/17px-Commons-logo.svg.png" decoding="async" width="17" height="23" class="mw-file-element" data-file-width="1024" data-file-height="1376"> Commons	Commons (Galariá)
<img alt="Commons" src="//upload.wikimedia.org/wikipedia/commons/thumb/4/4a/Commons-logo.svg/17px-Commons-logo.svg.png" decoding="async" width="17" height="23" class="mw-file-element" data-file-width="1024" data-file-height="1376"> Commons	Commons (Categoria) <img alt="Modifica el valor a Wikidata" src="//upload.wikimedia.org/wikipedia/commons/thumb/6/63/Arbcom_ru_editing.svg/10px-Arbcom_ru_editing.svg.png" decoding="async" width="10" height="10" class="mw-file-element" data-file-width="600" data-file-height="600"> Modèl:Commonscat/categories

Mètro de Serfaus
L'estacion Seilbahn.

Situacion	Serfaus
Tipe	Mètro
Intrada en servici	14 de decembre de 1985
Longor del malhum	1,28 km
Longor addicionada	1,28 km
Linhas	1
Estacions	4
Trens	1
Frequentacion	833 000 viatjaires per an


modificar

Lo mètro de Serfaus (en alemand, U-Bahn Serfaus, e ancianament Dorfbahn Serfaus) es lo sistèma de funicular del vilatge de Serfaus, dins lo Tiròl austriac. Construch en 1985 per Freissler-Otis e modernizat en 2019, lo sistèma consista en una linha a via unica de 1,28 km. Lo foncionament del sistèma repose sus un tren sus coissin d'aire, mudada per un sistèma de cables e menada per un ralh lateral.

Istoric

Lo Dorfbahn

Lo projècte d'un funicular sosterrahn es nascut del besonh de descongestionar lo vilatge toristic de Serfaus. Un servici de naveta per autobús entre l'estacionament del vilatge e l'estacion de ski foguèt mes en plaça dins las annadas 1970, après que las autoritats municipalas an interdich la circulacion automobila dins las estrecha carrièras de la comuna. La ligason per bus s'es averada rapidament insufisenta, e lo conselh municipal de Serfaus s'es interessat en 1983 a las diferentas solucions que permetrián d'ameliorar de faiçon duradissa la circulacion entre l'estacionament e los penjals d'esquí.

La construccion del funicular sosterranh debuta per l'excavacion de la Dorfbahnstaße en mai de 1985 afin d'i enterrar lo tunèl^[1], e se termina en novembre de la meteissa annada.

Lo mètro

A comptar de 2007, la modernizacion de l'equipament s'avera necessari afin de respondre al flus creissent de visitaires e per respondre a las novèlas exigéncias tecnicas.

En 2017, los trabalhs de modernizacion del material e de las estacions son lançats per un còst de 26 milions d'euros^[2]. Las estacions Kirche e Zentrum son entièrament reconstruchas. Lo mètro es obèrt a la circulacion lo 13 de julhet de 2019^[3] amb un novèl material rotlant format de tres veituras que permet de transportar fins a 3 000 viatjaires per òra^[1].