Lissa

Lissa (en francés Lisse) ei ua anciana comuna de Labrit, en lo departament d’Òut e Garona. Lo 4 d'abriu de 1972, vengot comuna associada de Reaub qui prengot lo nom de Reaub e Lissa lo 31 de deceme de 1979. Son n° INSEE èra 47149.

Toponimia

La prononciacion qu'es ['lisɔ]. Las fòrmas ancianas que son : parrochia Sancti Oriencii de Lisa, en latin, au sègle XIII, decima Sancti Gervasii de Lissia, en latin, au sègle XIII, castrum de Lissa en 1259, honor de Lissa en 1259, castrum de Lissa en 1286-87, de Cablicia en 1293, Lissa en 1323, capella de Lissa en 1326.

Segon Dauzat, Lissa que ven deu nom gallic d'òme Liccius, donc Liccia (villa). Segon Negre, citat per Bénédicte Boyrie-Fénié, lo nom que ven deu mot gascon lissa, « separacion, marca de limit entre duas pèças de bòsc ». Astor, tanben citat per B. Boyrie-Fénié, que pensa com Dauzat.

Segon Bénédicte Boyrie-Fénié, l’ipotèsi de Negre, un nom tardiu, que supausaré un article. Lo nom qu'es donc antic, benlèu un idronime basat sus ua basa prelatina *les-, *lis- (qu'es atau que Froissart apèra l'Ador). Que i a un lòc Caplisse (véser la fòrma de 1293), qui es probablament a las hont d'un riu. En realitat Caplissa qu'es en suspart deu riu de las Cavas, mes pas a son origina e a la mapa non marcan cap hont. La municipalitat de 1795 qu'èra Mesin, Casaus, Doi, Lana e Reaub Caplissa; lo nom Reaub Caplissa qu'es tanben citat .

Demografia

Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
394	410	360	369	469	464	476	433	425
1856	1861	1866	1872	1876	1881	1886	1891	1896
441	422	435	378	365	341	357	358	291
1901	1906	1911	1921	1926	1931	1936	1946	1954
312	338	301	257	253	197	168	171	154
1962	1968	1975	1982	1990	1999	2006	2007	2008
150	132			Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008 Evolucion de la populacion 1962-2008

Nòtas e referéncias