Leon V (papa)
Leon V (mòrt en decembre de 903 ò en febrier de 904) foguèt lo 118en papa de la Glèisa Catolica Romana de julhet a decembre de 903. Succediguèt a Beneset IV (900-903) e foguèt remplaçat per Sèrgi III (904-911) après un periòde de trèbols liats a l'usurpacion dau tròne pontificau per Cristòfor.
Son eleccion es la consequéncia dei divisions dau clergat roman après la mòrt Beneset IV. En fàcia de son incapacitat de trobar un successor originari de Roma, lo clergat roman decidèt d'elegir un estrangier a la Cort pontificala qu'aviá la reputacion d'èsser un sant e un personatge admirable. Pasmens, lo pontificat de Leon V foguèt brèu car un prèire dich Cristòfor organizèt un complòt per venir papa per fòrça. Lo papa foguèt arrestat per lei partisans de Cristòfor en setembre e executat dins lo corrent de decembre de 903 ò de febrier de 904.