Lei d'amnistia entà Catalonha de 2023 e 2024
Era Lei organica d'amnistia entara normalizacion institucionau, politica e sociau en Catalonha (en castelhan: Ley Orgánica de amnistía para la normalización institucional, política y social en Cataluña), coneishuda simplaments coma era lei d'amnistia, ei ua lei espanhòla que guarde d'absòlver es jutjadi peth procès d'independéncia en Catalonha.
Se negocièc entre octobre e noveme de 2023 e s'enregistrèc eth 12 de noveme.[1] S'aprovèc eth 14 de març de 2024 en Congrès des Deputats espanhòu damb 178 vòts en favor, 172 en contra e cap abstencion.[2]
Era lei siguec pactada entre es partits politics PSOE, Amassa per Catalonha e ERC, e presentada per Félix Bolaños. Entre es punts dera lei i ei era amnistia entà "toti es actes restacadi ath procès" entre eth 1 de gèr de 2012 e eth 13 de noveme de 2023, tant es cometudi pes qualificadi de "caps deth procès" coma tanben pera "gent que non auie agut un papèr public", que en aguest darrèr grop s'includissen directors d'escòla, foncionaris, pompièrs e tanben policies. Açò qu'era lei non absòlv pas son es hèts que "viòlen es drets umans".[3]
Eth 14 de mai de 2024, eth Senat espanhòu vetèc era lei damb 149 vòts en favor (PP, Vox, UPN) e 113 en contra.[4] Dempús, tornèc ath Congrès e siguec aprovada eth 30 de mai de 2024 damb es 177 vòts en favor pera part deth PSOE, Sumar, ERC, Junts, PNB, Bildu e BNG, e es 172 vòts en contra deth PP, Vox, UPN e era Coalicion Canària.
Referéncias
modificar- ↑ https://www.congreso.es/ca/notas-de-prensa?p_p_id=notasprensa&p_p_lifecycle=0&p_p_state=normal&p_p_mode=view&_notasprensa_mvcPath=detalle&_notasprensa_notaId=46873
- ↑ https://cadenaser.com/cataluna/2024/03/14/el-congres-aprova-la-llei-damnistia-i-lenvia-al-senat-on-el-pp-en-dilatara-dos-mesos-la-tramitacio-sercat/
- ↑ http://www.elpuntavui.cat/politica/article/17-politica/2355119-el-psoe-registra-en-solitari-la-llei-d-amnistia.html
- ↑ https://www.ccma.cat/324/la-recta-final-de-lamnistia-quins-son-els-propers-passos/noticia/3290571/