Targa provençala
La targa provençala es un espòrt practicat lòng dei costats de Provença e una dei cinc biais de targar reconegut per la Federacion Francesa[1]. Es un combat sus l'aiga entre doas personas situadas sus un batèu diferent a la cima d'una plataforma dicha tintaina e armadas d'una lança. L'objectiu de cada jogaire es de faire tombar son adversari a l'aiga. Cada jogaire es protegit per un plastron de fusta e dèu tenir ambé sa man liura un testimòni per l'empachar d'arrapar la lança de son adversari. Existisse tanben de reglas suplementàrias coma la defensa de jónher lei pès au moment de l'ataca. La targa provençala es considerada coma la varianta pus violenta de la targa car, au contrari deis autrei metòdes, lo targaire dèu cercar lo tuert e non l'esperar.
La targa provençala gropa sege clubs gropats dins un comitat de Provença (Istre, Fòs, l'Estaca, Lo Martegue, Lo Pòrt de Boc, Pòrt Sant Loís, Cassís e Arle) e un comitat de Còsta d'Azur (La Ciutat, Sant Nari, Sant Mandrier de Mar, Sant Rafèu, Frejús, Agai, Ròcabruna d'Argenç e Teula de Mar).