L'Archipèla del Golag

L'Archipèla del Golag (Архипелаг ГУЛАГ en rus) es un libre de Aleksandr Isaievich Solzhenitzyn sortit en 1973. L'Archipèla del Golag tracta del sistèma carceral e de trabalh forçat mes en plaça en Union Sovietica. Escrit de 1958 a 1967 dins la clandestinitat, l'obratge se vòl pas ni una istòria del golag ni una autobiografia, mas lo pòrtaparaula de las victimas dels golags :Foguèt escrit a partir de 227 testimoniatges de prisonièrs e de l'experiéncia de l'autor. Solzhenitzyn precisa que « Lo libre conten pas ni personatges ni eveniments inventats. Òmes e luòcs i son designats amb los lors noms vertadièrs ». Golag èra un acronim utilizat per l'administration sovietica per designar l'organisme central encargat de gerir los camps de trabalh forçats en Union Sovietica. Lo tèrme archipèla es utilizat per descriure la multiplication e l'escampilhament dels camps dins tot lo país, coneguts sonque d'aqueles condemnats a los poblar, bastir o religar.

Lo libre es dins Los 100 libres del sègle segon Le Monde: un classament de libres considerats coma los cent melhors del sègle XX.