Kaiwhekea kaitiki
Dessenh d'artista e comparason de talha amb un uman.
| Règne | Animalia |
|---|---|
| Embrancament | Chordata |
| Classa | Sauropsida |
| Superòrdre | Sauropterygia |
| Òrdre | Plesiosauria |
| Familha | Leptocleididae |
Kaiwhekea
Cruickshank & Fordyce, 2002
Kaiwhekea katiki
Cruickshank & Fordyce, 2002
Kaiwhekea kaikiti siguec un reptil marin escandit apartenhent ara familha des plesiosaures. Demorèc pendent eth cretacèu superior (hè 80 milions d'annades). Es sues rèstes sigueren trapades en Nòva Zelanda.
Descripcion
modificarAguest animal ère semblant as plesiosaures tipics damb un còth long, un cap petit, un cos cuert e quate pates desvolopades en aletes e coa cuerta. Eth cran ère, totun, plan especial: cuert e naut, robust e damb dents cuertes e sobtils: quan era boca ère barrada, es dents s'amassaven e se crotzaven entre eres.
Eth còth ère plan mobil e permetia ar animal hèr plan de movements en totes es direccions mès pas coma hè ua sèrp. Era mesura ère importanta e podie arténher es 7 m de longada.
Classament
modificarKaiwhekea siguec descrit per prumèr còp per Cruickshank e Fordyce en 2002 e siguec classat coma un criptoclidid, un grop de plesiosaures damb un cran plan caracteristic que demorèc pendent eth jurassic en Anglatèrra. Es dents èren es tipiques d'un criptoclidid e era sua preséncia en tèrres deth cretacèu superior en Nòva Zelanda suggereish qu'aguest animal subervisquèc pendent plan milions d'annades en er emisferi sud dera planeta coma tanben ac heren d'autes animals semblants ( Morturneria e Aristonectes).
Vida
modificarPera forma de sòn cos e cap aguest animal ère un predator segons díden es scientifics. Minjava animals de mesura mieia coma peishi e cefalopòds (pr'açò eth sòn nom Kaiwhekea, que en Maòri vò díder "minjador de calmars". Es uelhs d'aguest animal èren plan grani e açò dilhèu vò díder que demorec enes prehonditats on i avie pauca lutz.
Bibliografia
modificar· (EN) Cruickshank A R I & Fordyce, R E. 2002. A new marine reptile (Sauropterygia) from New Zealand: Further evidence for a late Cretaceous Austral radiation of cryptoclidid plesiosaurs. Palaeontology 45(3):557-75.