Dobrir lo menú principal

Josèp Bonaparte

(Redirigit dempuèi Josèp Ièr)
Pagina d'ajuda sus l'omonimia Pels articles omonims, vejatz José Bonaparte.
Josèp Ièr

Giuseppe Napoleone Buonaparte, conegut tanben coma Josèp Ièr (Corti, lo 7 de genièr de 1768 - Florença, lo 28 de julhet de 1844), foguèt rei de Nàpols e rei d'Espanha mercé a son fraire Napoleon Bonaparte. Se maridèt amb Julia Clari e aguèron doas filhas : Zenaida e Carlota.

En Espanha èra escaissat Pepe Botella (Josèp Botelha) que disián que beviá fòrça, o Plazuela (Plaçòta) que dobriguèt de plaças a Madrid en desrabar glèisas o mostièrs.

Rei de NàpolsModificar

En 1796, anèt en Itàlia amb Napoleon Bonaparte. Encargat per son fraire de missions diplomaticas, foguèt rei de Nàpols de 1806 a 1808.

Rei d'EspanhaModificar

En 1808, anèt en Espanha amb son fraire Napoleon Bonaparte. Aquel faguèt abdicar Carles IV e Ferrand VII d'Espanha e proclamar rei son fraire. Lo pòble espanhòl se revoltèt alara coma o illustran las pinturas de Goya "lo 2 de mai" e lo "3 de mai"). En 1812, Josèp se sauvèt en França puèi s'installèt als Estats Units.

MòrtModificar

Moriguèt a Florença en 1844 mas foguèt sebelit a París.


Precedit per Josèp Bonaparte Seguit per
Ferrand Ièr
Josèp Ièr
rei de Nàpols
1806 - 1808
Joachim Ièr
Carles IV
 
Josèp Ièr
rei d'Espanha
1808-1813
Ferrand VII
Napoleon II
 
Cap de la familha imperiala
Loís Bonaparte