Jil Love
Jil Love, escais artistic de Jordina Salabert, tanben coneguda cinematograficament coma Love Jordina (Tarragona, 4 de març de 1980) es una activista a favor de la patz e una realizadora e actritz catalana. Venguèt famosa dins l'estat espanhòl durant las manifestacions del 25S de 2012 a Madrid, coma tanben o venguèt aquel jorn un trabalhador de bar Alberto Casillas que defendèt de manifestaires refugiat dins lo bar, quand se mostrèt nusa sus la Plaza de Neptuno per arrestar las ofensivas policièras. Faguèt la una de la revista Interviú la segonda setmana d'octobre de 2012.
Coma las FEMEN utiliza la nuditat per atraire las gents e veïcular son messatge. Es estada sovent comparada a una "resurreccion dels hippies de las annadas 1960" e parla sistematicament de sa veneracion de la diva Isis. Sas accions coïncidisson sovent a de realizacions de son alterègo Love Jordina coma per exemple la promocion nusa davant la Catedrala de Tarragona lo 3 de decembre de 2013 per son film Saving Isis, conte narrat per la votz en off de l'actritz espanhòla Pilar Bardem presentat al Festival Internacional de Cine de Tarragona REC.
Lo 10 de genièr se liguèt amb un sac de plastic sul cap amb l'eslogan "El meu nom és Catalunya" ligat al còl e un cartèl al costat "Catalunya s'ofega Sr. Alcalde. No ens negui el dret a decidir el nostre futur" que los elegits del Partit Popular vòlon pas donar d'informacions sus la populacion per permetre lo Referendum d'autodeterminacion de Catalonha. Son accion impulsada pels Verds recebèt lo supòrt de l'Assemblada Nacionala Catalana e de la Candidatura d'Unitat Populara. Utiliza coma lògo un còr amb una R majuscula, formas brèvas que representant son eslogan Love Revolution.
Biografia modificar
A 16 ans abandonèt los estudis e anèt viure a Barcelona trabalhar dins lo mitan de la vida nocturna e comencèt a aver de problèma amb la dròga. Quand faguèt 18 ans, Love Jordina se n'anèt trabalhar a la capitala espanhòla ont aprèp una debuta dificila trabalhèt coma cantaira e actritz. Partiguèt puèi qualques ans mai tard, en 2006, a 26 ans, als Estats Units. Viu actualament entre Santa Fe (Estats Units) e Espanha. En 2010 realizèt un cort-metratge en America: Waves: A Tale of Love and Obsession.