FEMEN
FEMEN (en ucraïnian: Фемен) es un grop de protèsta feminista creat en 2008 dins la capitala d’Ucraïna, Kýiv, per Anna Hutsol, l'actuala presidenta de l'associacion. Aquesta organizacion s'es facha conéisser internacionalament per sas accions fòrça mediaticas, essencialament lo pitre nus, pr’amor de defendre los dreches de las femnas, çò que pòrta sos membres a s’implicar tanben dins d'autres domenis, subretot per la democracia e contra la corrupcion, la prostitucion o tanben l’influéncia de las religions dins la societat. Las militantas del FEMEN son adèptas d'un feminisme radical que sonan «sextremisme».
