Jardin Alexandre Ier
Lo Jardin Alexandre Ier a Tolon foguèt creat en 1852. Sa superficia es d'1,6 ha.
Lo luòc se sonava a l'origina lo Jardin dau Rei (Jardin du Roy en francés) e èra vodat ai oficiaus de l'armada dau Rei e ai culturas d'espèças raras e exoticas per lo profiech de la Cort dau Rei e son aprovisionament en flors. Lo Chivalier Pau i aguèt sa famosa Cassina. Aqueu jardin, alara just en defòra de la ciutat e de sei fortificacions, èra fòrça mai grand que lo pargue actuau (dins un espaci inclusent lei eis presents dei baloards de Tessé e de Vauban ambé lei carrieras Revel e Chalucet (en mai dau jardin actuau).
L'evesque de Tolon, Monsenhor de Chalucet, i faguèt bastir un Ostau de la Caritat (l'actuau espitau Chalucet) entre 1694 e 1717. en 1786, la Marina loguèt una partida dau terren de l'espitau per faire un jardin botanic e cultivar d'espèças exoticas. A la creacion dau jardin, lo prestigiós pargue foguèt suprimit.
Aqueu pargue deu son nom actuau au rei Alexandre I de Iogoslàvia, assassinat a Marselha ambé lo ministre dei afaires estrangiers, lo bearnés Loís Bartó.
Lo pargue presenta un portau desplaçat de la glèisa de Nòstra Dòna de Cortinas de Sieis Forns, un canau, un bacin d'aiga, un monument a Joan Aicard e un autre a Pèire Puget e un monument ai mòrts (bastit en 1923).
Lei bombardaments de la Segonda Guèrra Mondiala toquèron lo pargue e durant lei decenis seguents entrèt dins una prefonda decadéncia (lo monument a Vincent Cordoan foguèt e mai raubat) fins a sa restauracion e sa renavida en 1989. Un quiòsc en particular i foguèt bastit per remplaçar lo quiòsc emblematic de l'anciana Plaça d'Armas, destruch en 1973.
Liame extèrne
modificar- [1] Descripcion dau Jardin e istòria.