Jacques Dutronc

Jacques Dutronc (28 d'abril de 1943, París) es un cantaire francés fòrça popular dempuèi las annadas 60, e actor tanben (Van Gogh de Maurice Pialat per exemple, o encara Embrassez qui vous voudrez en 2002 còsta Carole Bouquet).

Jacques Dutronc en 1966

Sas cançons mai conegudas son, per las annadas 60, Et moi et moi et moi, Fais pas ci, fais pas ça, Mini mini mini, Les Play Boys, La fille du Père Noël, Les Cactus, J'aime les filles, On nous cache tout on nous dit rien, Il est cinq heures Paris s'éveille, L'Hôtesse de l'Air, L'Opportuniste, per las annadas 70, Le Petit Jardin, Le Dragueur des supermarchés e las doas de la seria televisada francesa Arsène Lupin, L’Arsène e Gentleman cambrioleur, per las annadas 80, Merde in France, Opium, L'Hymne à l'amour (moi l'nœud), Qui se soucie de nous, e per las annadas 90, À part ça e Tous les goûts sont dans ma nature (la version de 1996, la cantada en duò ambe Étienne Daho).

Jacques Dutronc es sovent estat représ per los del mitan rock francés e quitament occitan, L'Opportuniste per Indochine, Le Responsable per Gaëtan Roussel, Opium per Brigitte, Les Cactus per Vanessa Paradis, Il est cinq heures Paris s'éveille pel grop punk Les Rats e per Zaz, Sur une nappe de restaurant per Les Sheriff, On nous cache tout on nous dit rien en version heavy metal per Vulcain, Fais pas ci, fais pas ça per BB Brunes, La fille du Père Noël per Bijou, Clara Luciani e Test, Et moi et moi et moi per Test tanben (en occitan : E ieu, e ieu, e ieu) etc.

S'èra maridat lo 30 de març de 1981 a Monticello en Corsega ambe la cantaira francesa Françoise Hardy (se son separats dins las annadas 1990). Es lo paire del cantaire e guitarrista Thomas Dutronc.

Discografia

• 1966: Et moi, et moi, et moi
• 1968: Il est cinq heures
• 1969: L’Opportuniste
• 1970: L’Aventurier
• 1971: Jacques Dutronc
• 1972: Jacques Dutronc
• 1975: Jacques Dutronc
• 1980: Guerre et Pets
• 1982: C’est pas du bronze
• 1987: C.Q.F.D...utronc
• 1995: Brèves Rencontres
• 2003: Madame l'existence
• 2022: Dutronc & Dutronc (ambe son filh, Thomas Dutronc)