BB Brunes

BB Brunes es un grop de pop ròck francés format a París e fòrça popular dempuèi 2007, compausat de Adrien Gallo (cant), Félix Hemmen (guitarra), Bérald Crambes (bassa) e Jocelyn Moze (batariá). Lo nom del grop es inspirat de Initials BB, cançon de Serge Gainsbourg.

BB Brunes (Adrien Gallo) en 2014

Biografia

Quitament grop parisenc, en realitat Félix Hemmen es nascut en Belgica e Bérald Crambes ven de Sentonge. Bérald ven bassista de BB Brunes en 2007 sonque, aprèp l'album Blonde comme moi. De notar que Jocelyn Moze jòga tanben de batariá dins Kyo.

En 2006 sortisson un primièr single, Le gang, qu'obten un polit resson, puèi, en seguida, en 2007 lor primièr album Blonde comme moi e un segond single, Houna. Aital, començan de conéisser una pichona reconeissença mediatica, e lor tresen single, Dis-moi, ven enfin un tube vertadièr en 2007, e demòra encara uèi una de las cançons mai conegudas de BB Brunes. En seguida, en 2008 son convidats sus l'empont de la Staracademia sus TF1, l'emission musicala de tele realitat mai populara de França de l'epòca. Aquò testimònia que d'ara enlà BB Brunes es considerat coma un grop de primièr plan, e doncas un dels grops màgers de la scèna rock francesa del debut de las annadas 2000, que compta per exemple Indochine, Superbus o Kyo. Se confirma amb lo tresen album que conten lor mai grossa capitada, lo tube pop Coups et blessures en 2012.

Discografia

• 2007: Blonde comme moi
• 2009: Nico Teen love
• 2012: Long courrier
• 2017: Puzzle
• 2019: Visage

Cançons mai conegudas

• Le gang (2006)
• Houna (2007)
• Dis-moi (2007)
• Lalalove You (2010)
• Nico Teen Love (2010)
• Coups et blessures (2012)
• Stéréo (2013)
• Aficionado (2013)