Gaëtan Roussel

Gaëtan Roussel es un cantaire e compositor francés, nascut lo 13 d'octobre de 1972 a Rodés (Avairon). Foguèt lo cantaire dels grops de rock Louise Attaque e Tarmac.

Gaëtan Roussel a Pause Guitare a Albi, en 2016

Biografia

En 2008 participèt a la composicion de cançons e a la produccion del darrièr album d'Alain Bashung, Bleu pétrole, que ganhèt en 2009 lo Prèmi de las "victoires de la musique". Escriguèt la musica de dos filmes, de Benoit Delépine e Gustave Kervern: Louise-Michel e Mammuth. Gaëtan Roussel tanben escriguèt pels artistas coma Rachid Taha e Vanessa Paradis.

En 2009 comencèt una carrièra en solitari e apareguèt Ginger, dins son single Help myself (Nous ne faisons que passer) que, aprèp sa sortida en 8 de març de 2010, foguèt fòrça difusat dins las emissions de ràdio francesas. Aquel tèma aguèt tanben una popularitat en Quebèc pendent la prima e l'estiu de 2010.

Ganhèt lo Prèmi de las "victoires de la musique" coma melhor album de rock de l'an 2011, pendent l'emission difusada lo 9 de febrièr sus France 4, e tanben coma melhor interprèt masculin e melhor album de l'an per Ginger.

Tanben en 2011 participèt a un album que tornèt prendre los tèmas d'Alain Bashung e qu'es titulat Tels Alain Bashung, e interprèta, entre d'autras cançons, J'passe pour une caravane.

Citacions

«Dins ma vida i a doas partidas: abans d'encontrar Alain Bashung e aprèp». (1^èr de març de 2011, aprèp que recebèt lo trofèu "victoires de la musique").

Discografia en solitari

• Ginger (100 000 exemplars venduts)

1. Clap Hands
2. Help myself (Nous ne faisons que passer)
3. Si l'on comptait les étoiles
4. Inside outside
5. Mon Nom
6. Tokyo
7. Dis-moi encore que tu m'aimes
8. DYWD
9. Des questions me reviennent
10. Trouble
11. Les belles Choses

Articles connèxes

• Louise Attaque
• Tarmac

Ligams

• (fr)Pagina oficiala
• (fr)"Help myself" sus Deezer.com