J. M. Barrie

Sir James Matthew Barrie, pus conegut jos la signatura de J. M. Barrie (Kirriemuir, lo 9 de mai de 1860 - Londres, lo 19 de junh de 1937) foguèt un escrivan e dramaturg escocés, celèbre per aver creat lo personatge de Peter Pan. Foguèt tanben un amic d'Arthur Conan Doyle.

Biografia

Nascut le 9 de mai de 1860, a Kirriemuir, a Angus (Escòcia), èra lo noven enfant, e lo tresen dròlle, d'un coble format per David e Margaret Barrie, nascuda Ogilvy.

Son paire èra un obrièr teisseire. Sa maire èra una femna fòrta e intelligenta, qu'aguèt una importància capitala dins sa vida. Primièr li balhèt lo gost de la ficcion en li legissent d'istòrias, subretot aquelas de Stevenson (Escocés tanben), que venerava.

Lo filh preferit de sa maire, David, moriguèt quand aviá tretze ans. Lo pichon Jimmy (diminutiu de James) ensajava de lo remplaçar dins lo còr de la maire, fins a se vestir coma lo defunt per s'identificar a aquest. L'enfança de J. M. Barrie foguèt pas urosa. Cresquèt sus una falha. Tota sa vida, ensagèt de ganhar l'amor de sa maire, mas jamai capitèt pas vertadièrament. Se balhèt la mission de consolar sa maire d'aquela perduda e afirmèt, pus tard, que son enveja d'escriure veniá d'aquò. E puèi se tròba totjorn un personatge nomenat Dàvid dins son òbra e mai d'un fantaumas… J. M. Barrie aprenguèt dins d'escòlas de Glasgow, Forfar e Dumfries. En 1887, dintrèt a l'Universitat d'Edimborg, ont capitèt una d'una mestriá. Trabalhèt coma jornalista per lo Nottingham abans de s'installar a Londres, independent, en 1885.

Esposèt en 1894 l'actritz Mary Ansell, mas foguèron pas uroses. Sens enfant, divorcièron (en 1909) sus la demanda d'aquela (qu'aviá un aimant), e Barrie capitèt pas s'opausar, malgrat totas sas temptativas. J. M. Barrie èra un òme menut, linge e petit. Se remarcava son anar quasi enfantin, tal coma son eròi Peter que voliá pas créisser...

Aguèt pas d'enfants mas s'ocupèt, aprèp que venguèron orfanèls, dels dròlles de la familha Llewelyn Davies (Cf. infra).

Recebèt las onors — un titre de Baronnet en 1913, l'Òrdre del Merite en 1922 e lo rectorat de l'Universitat de St. Andrews, ont faguèt una emocionanta allocucion (Coratge, 1922), puèi las foncions de cancelièr de l'Universitat d'Edimborg.

Barrie moriguèt d'una pneumonia lo 19 de junh de 1937. Es enterrat dins lo cementèri de Kirriemuir, ont nasquèt, al costat de sos paires, fraires e sòrres. Son ostal nadal, al 4 Brechin Road, es transformat en musèu pel National Trust for Scotland.

Tutor dels filhs Llewelyn Davies

Foguèt un amic intim de la familha Llewelyn Davies — subretot dels filhs, que li inspirèron los personatges de Peter Pan, e per los que foguèt « l'oncle Jim ». Cultivèt una amistat ambigúa mas respectuosa amb Sylvia Llewelyn Davies, la maire.

Quand Arthur Llewelyn Davies moriguèt en 1907, Barrie venguèt pus implicat amb los Davies, lor fornissent un sosten financièr, los revenguts de sa pèça Peter Pan e d'autres trabalhs, satisfasent largament als besonhs de subsisténcia e d'educacion pels enfants. Prepausèt a Sylvia de la maridar, aquela refusèt.

Sylvia moriguèt en 1910, demandant que James Matthew Barrie siá l'administrator e lo protector dels seus filhs, amb la seuna maire Emma, lo seu fraire Guy Du Maurier e lo fraire d'Arthur, Compton. S'ocupèt doncas dels dròlles pendent lor enfança e lor adolescéncia, venguèt lor tutor e tractèt sos pupillas George, Jack, Peter, Michael e Nicholas coma los seus filhs.

Dos dels enfants coneguèron un destin tragic que toquèt Barrie fòrça prigondament. George foguèt tuat en 1915 pendent la Primièra Guèrra Mondiala ; Michael, amb qui Barrie correspondèt quotidiana fins a l'universitat, ont se neguèt en 1921 amb son amic Rupert Buxton, a Sandford Lock prèp d'Oxford, gaireben un mes abans son 21^en aniversari.

Peter venguèt editor (Peter Davies Publishing). Mas, aprèp una grèva depression nerviosa, se suicidèt dins lo mètro a la station Sloane Square a Londres, lo 5 d'abril de 1960 a 63 ans.

Vejatz tanben

Òbras

( lenga pas reconeguda : j+ lenga pas reconeguda : _m+ lenga pas reconeguda : _barrie) J. M. Barrie

Bandolero, the bandit
Caught napping
Auld Licht Idylls
Better dead
When a man’s single
A window in the Thrums
An Edinburgh eleven
My Lady Nicotine
The Little Minister
Ibsen’s ghost
Richard Savage
A holiday in bed / Life in a country manse
Walker
Jane Annie
Two of them
Tillyloss scandal
A lady's shoe
Becky Sharp
Professor's love story
The Sabbath day
Sentimental Tommy
Margaret Ogilvy
Tommy and Grizel
A platonic friendship
An auld licht manse
The Allahakbarries book
The wedding guest
Quality street
The little white bird
The admirable Crichton
Little Mary
Peter Pan or the boy who would not grow up
Pantaloon
Alice sit-by-the-fire
Josephine
Punch
Peter Pan in Kensington Gardens
What every woman knows
When Wendy grew up : an afterthought
George Meredith
Old friends
A slice of life
The twelve-pound look
Peter and Wendy
Rosalind
The dramatist get what they want
The will
The adored one
Half Hours
Der tag
Rosy rapture, the pride of the beauty chorus
The fatal typist
The new world
Kiss for Cinderella
The real thing at least
Irene Vanbrugh’s pantomine
Shakespeare’s legacy
Dear Brutus
The Old Lady Shows Her Medals
Reconstructing the crime
Who was Sarah Findlay ?
A well-remembered voice
Echoes of the War
The truth about the russian dancers
Mary Rose
Shall We Joint The Ladies ?
Neil and the Tintinnabulum
Representative plays
Barbara’s wedding
The plays of J.M. Barrie
Farewell Miss Julie Logan : A Wintry Tale
The Boy David - A Play In Three Acts

Ligams extèrnes

(fr) sirjmbarrie.com Tot o gaireben su Barrie
(fr) Roses de décembre, pagina d'una amorosa de Barrie
(en) Lo site d'Andrew Birkin, un dels sites pus complèts e pus rics

Bibliografia

Andrew Birkin, Lost boys
Herbert Garland, A bibliography of Sir James Matthew Barrie
Denis Mackail, The story of J.M. Barrie
J.A. Hammerton, Barrie : The Story of a Genius
Patrick Chalmers, The Barrie Inspiration
Kathleen Kelley-Lainé, Peter Pan ou l'enfant triste

Wikimedia Commons prepausa de documents multimèdia liures sus J. M. Barrie.