Instruccion militara
L’instruccion militara designa un ensemble de procès destinat a formar lo personau militar e a melhorar sei competéncias. Compren d'aspèctes fòrça variats car lei besonhs de formacion son fòrça diferents segon lo ròtle atribuït au militar (soudat, sosoficier, oficier...), son arma (infantariá, artilhariá, aviacion...), son estatut (conscrits, professionaus...), leis armaments existents... etc. Ansin, l'instruccion d'un conscrit dau reng pòu durar quauquei setmanas mentre que la formacion d'un generau necessita d'annadas d'experiéncias practicas e de cors teorics. Per aquò, la màger part deis armadas an desvolopats d'institucions e de percors adaptats coma leis acadèmias militaras ò lei classas.
