Idrogenacion
L’idrogenacion es una reaccion quimica que consistís en l'addicion d'una molecula de diidrogèn H2 sus un autre compausat. Aquela reaccion utiliza generalament dau diidrogèn gasós per redurre ò saturar de substàncias organicas. Aquò requièr una catalisi ò de temperaturas fòrça autas. Lo produch a la meteissa carga electrica que lei reactius, çò que marca la diferéncia entre l'idrogenacion e la protonacion. Leis aplicacions de l'idrogenacion dins l'industria quimica son fòrça nombrosas, especialament dins la petroquimia (transformacion d'alcèns en alcans) e dins l'agroalimentari (idrogenacion de lipids insaturats en lipids saturats).
