Ibn Hamza al-Maghribi

Ibn Hamza al-Maghribi (entre 1554 e 1574, Argièr - 1611, La Mèca) es un matematician arabi de la fin dau sègle XVI e dau començament dau sègle XVII. Foncionari de l'administracion fiscala otomana de Constantinòble, demorèt dins la capitala turca fins a la mòrt de son paire. Puei, vendèt sei bens per anar s'installar amb sa maire a La Mèca. Ibn Hamza al-Maghribi es famós per son tractat de 1591 que presenta de resultats que prefiguran lei logaritmes. L'obratge conoguèt un certan succès car d'exemplaris èran en circulacion dins plusors vilas turcas ò aràbias. Pasmens, coma èra redigit en turc otoman, foguèt lèu oblidat après la disparicion de son autor.

Dins lei país musulmans, es frequentament presentat coma l'inventor dau logaritme. Pasmens, aquò es contestat car son trabalh es similar a aqueu d'autrei pioniers de l'estudi dei logaritmes coma Arquimèdes (287-212 avC)^[1], Nicolas Chuquet († 1488)^[2] ò Michael Stifel (1487-1567)^[3].

Liames intèrnes

Logaritme.

Bibliografia

(fr) Pierre Ageron, « Ibn Hamza a-t-il découvert les logarithmes ? Constitution et circulation du discours islamocentré sur l'histoire des mathématiques », 25-26 de mai de 2010, [1].

Nòtas e referéncias

↑ (en) Ian Bruce, « Napier’s Logarithms », American Journal of Physics, vol. 68, n° 2, p. 148.
↑ (fr) Hervé L’Huillier, La Géométrie, première géométrie algébrique en langue française (1484), Vrin, 1979.
↑ (en) Vivian Shaw Groza e Susanne M. Shelley, Precalculus mathematics, Holt, Rinehart and Winston, 1972, p. 182.

[1] (en) Ian Bruce, « Napier’s Logarithms », American Journal of Physics, vol. 68, n° 2, p. 148.

[2] (fr) Hervé L’Huillier, La Géométrie, première géométrie algébrique en langue française (1484), Vrin, 1979.

[3] (en) Vivian Shaw Groza e Susanne M. Shelley, Precalculus mathematics, Holt, Rinehart and Winston, 1972, p. 182.

[1]

[2]

[3]