Dobrir lo menú principal
Representacion de Hulegu realizada au sègle XIV.

Hulegu (1217 - 8 de febrier de 1265) èra un cap mongòl fondator de l'Ilkhanat que dominèt Pèrsia de 1256 a 1335. Lo dirigiguèt fins a 1265 e son fiu Abagha li succediguèt.

Èra lo fiu de Tolui e de Sorgaqtani, son esposa principala. Felen de Genghis Khan, èra lo fraire de Mongke, Grand Khan de 1251 a 1259, de Kubilai, fondator de la dinastia Yuan e d'Ariq Boqa, pretendent au títol de Grand Khan de 1259 a 1264.

En 1255, foguèt cargat per Mongke de conquistar Egipte, Mesopotamia e Iran, es a dire lo còr dau mond musulman. Plaçat d'una armada de plusors desenaus de milièrs d'òmes, ocupèt aisament lo país dei Lors, un pòble dau sud d'Iran e negocièt la rediccion sensa combat d'Alamut, fortalesa principala de la sècta deis Assassins (1256). Puei, en 1258, ataquèt lo Califat Abbassida e destruguèt sa capitala a l'eissida dau sètge de Bagdad que sa populacion foguèt executada. L'annada seguenta, ataquèt Siria e acomencèt de preparar l'invasion d'Egipte.

Pasmens, la mòrt de Mongke entraïnèt l'aplant d'aqueu projècte car sei tropas deguèron rintrar en Mongolia per participar a l'eleccion dau novèu Grand Khan. Malaisada, aquela succession entraïnèt una guèrra civila entre lei pretendents principaus. Hulegu jonhèt lo camp de Berke e de Kubilai. Luchèt en Asia Centrala còntra lo Khanat de Chagatai e l'l'Òrda d'Aur que sostenián lei drechs d'Ariq Boka. En 1263, l'Ilkhanat i subiguèt una desfacha importanta en Caucàs mai Ariq Boka foguèt pasmens vencut per Kubilai. Moriguèt dos ans pus tard.

Liames intèrnesModificar

BibliografiaModificar

Nòtas e referénciasModificar