Hi-NRG

La hi-NRG (per High Energy), es un genre de musica electronica aparegut en 1981 als Estats Units, mai precisament a San Francisco (Califòrnia), puèi qu'a lèu eissamat a Nòva York, los compositors e productors Patrick Cowley (de San Francisco), e Bobby Orlando (de Nòva York) avent fòrça contribuït a sa capitada. Aquel estili s'es aital popularizat dins las annadas 1980 dins las discotècas americanas, e en particular dins las frequentadas per la comunautat omosexuala.

Succedissent al disco als Estats Units e mai generalament en America del Nòrd (Canadà comprés) abans de ganhar l'Euròpa en i dintrant per lo Reialme Unit (en particular ambe los productors Stock Aitken Waterman), se'n distinguís per l'acceleracion del ritme e sustot per l'emplec sistematic de sintetizors, mentre qu'aquel instrument, malgrat que ja foguèt sovent emplegat dins lo disco primitiu, n'èra pas çaquelà central dins aqueste estili. A n'aquel títol, la hi-NRG es plan similara a la synthpop en Euròpa, e mai especificament a çò que l'òm sonarà retrospectivament l'italo-disco en Itàlia. La parentat musicala es tala que d'unes artistas new wave de las annadas 1980 son indiferentament etiquetats hi-NRG, italo-disco o synthpop.

Genre emblematic e especific de las annadas 1980, se retròba pasmens d'influéncias de la hi-NRG fòrça mai tard, coma per exemple dins la musica de Lady Gaga.

Qualques artistas emblematics de la hi-NRG

Estats Units

• Divine, en particular per You Think You're a Man en 1984, tròç produch per Stock Aitken Waterman.
• The Flirts
• Bobby Orlando
• Paul Parker
• Stacey Q, en particular ambe Two of Hearts en 1986.
• Evelyn Thomas, en particular ambe High Energy en 1984.

Canadà

• Miquel Brown, en particular per So Many Men, So Little Time en 1983.
• Suzy Q
• Trans-X

Reialme Unit

• Bronski Beat, The Communards e d'un biais general, Jimmy Somerville.
• Erasure
• Frankie Goes to Hollywood
• Pet Shop Boys a lors debuts (West End Girls, tube de 1985 produch un primièr còp en 1984 per Bobby Orlando)
• Kim Wilde a partir del mitan de las annadas 1980 (You Keep Me Hangin' On, represa synthpop en 1986 del grop The Supremes)

Al Reialme Unit, fòrça produccions de Stock Aitken Waterman foguèron tanben estampilhadas hi-NRG :

• Bananarama
• Dead or Alive
• Mel & Kim

etc.

Itàlia

• Spagna

Vejatz tanben

• New wave
• Synthpop
• Disco