Harold en Italia

Harold en Italia (o Sinfonia en quate partidas dab alto principau « Harold en Italia », op. 16 o H 68) qu'ei ua sinfonia d'Hector Berlioz escrivuda entà har estinglar l'alto (çò qui la hè d'un genre particular enter sinfonia e concerto).

Lo Abruç

Istòria

Dens los sons Memòris las circonstàncias particularas de la soa composicion : lo violonista Niccolò Paganini que seré anat trobar Berlioz entà eth comandar la soa composicion per'mor de la soa aquesida d'un vriulon alto stradivari e que sentiva la manca de musica entà lo jogar ; quan Berlioz e presentè lo son tribalh, Paganini no'u voló pas interpretar, decebut de la part tròp modesta vodada au son instrument. Totun, en l'audir que s'anè tornar véder Berlioz entà'u testimoniar la soa immensa admiracion que soslinhé en eth auherir 20 000 francs qui Berlioz arrecebé en ua tempsada qui'us s'avèva efectivament besonh.

Aquesta òbra qu'ei literariament inspirada peu roman en vers de Lord Byron Childe-Harold's Pilgrimage (lo «Romiatge de l'enfant Harold») e musicaument per las camadas de Berlioz dens los Abruç durant lo son sejorn en Italia.

Que ho interpretat peu purmèr còp lo 23 de noveme de 1834 au Conservatòri de París per l'altista Chrétien Urhan.

Estructura

Harold en Italia que's compausa de quate movements :

• Purmèr movement : Harold hens las montanhas (Harold aux montagnes)
• Dusau movement : La marcha deus romius (La marche de pélerins)
• Tresau movement : Serenada (Sérénade)
• Quatau movement : Orgia de bandolèrs (Orgie de Brigands)

Ligam extèrne

• [1] Serenada de Harold en Italia sus youtube.