Grop parlamentari
Un grop parlamentari, tanben nomenat caucus o conferéncia, es una associacion de parlamentaris que s'amassan segon lors causidas politicas al sen d'una cambra de Parlament.
Dins fòrça Parlaments, la constitucion en grops permet als elegits que'n son membres de beneficiar de certs avantatges (temps de paraula, vicepresidéncia, comissions, per exemple). Los membres d'un grop parlamentari devon mai sovent respectar la disciplina de lor grops pendent los vòtes.
Los membres d'un grop parlamentari son mai sovent totes membres d'un meteis partit politic, mas un grop pòt tanben se compausar de membres de diferents partits, coma per exemple se un partit dispausa pas pro de sètis per formar un grop en foncion del lindal establit pel règlament del Parlament.
Alemanha modificar
En Alemanha, los grops parlementaris son nomenats Fraktionen e tenon un ròtle important dins lo trabalh del Bundestag alemand, per exemple pendent lod vòtes de las comissions parlementàrias o dins lo depaus de projèctes de lei o d'amendaments. Los grops parlementaris an un finançament particular per lor foncionament. Cada grop pòt tanben nomenar un vicepresident e aqueles darrirès viligan ls vòtes a man levada al plen.
Un grop parlamentari se deu compausar d'al mens 5 % dels deputats e sos membres devon sempre èsser eissits d'un meteis partit o departits que se fan pas concuréncia (es lo cas per exemple de la CDU e de la CSU que son pas presents dins las meteissa regions). Existí un estatut particular, amb mens de prerogativas, pels grops pichons (Gruppen, als mens 3 deputats mas mens de 5 %).
Belgica modificar
Chambra dels representants modificar
Per se constituir, un grop politic deu comprene al mens cinc membres.
Senat modificar
Cada grop reünís los senators que foguèron elegits sus la meteissa lista. De senators tenon sesilha pasmens coma membres independants. De notar la possibilitat per un grop d'existir amb un sol senator.
Commonwealth modificar
Dins los païses del Commonwealth, los grops parlamentaris son mai sovent nomenats « caucus » o « partit parlementari ».
Dins lo sistèma de Westminster, un caucus pòt èsser pro poderós qu'a sovent la capacitat d'elire o de capvirar lo cap de partit al Parlament. Lo caucus se determina tanben sus de subjèctes politics, de tacticas parlementaris e de mesuras de disciplina contra de parlementaris desobesissents. Dins uns partits, per exemple lo Partit trabalhista australian o al Partit trabalhista de Nòva Zelàndia, lo caucus causís los parlementaris qu'integrarán lo cabinet quand lo partit es al govèrn.
Canadà modificar
Los gros parlementaris son mai sovent nomenats « caucus ». Dotze deputats son necessaris a un partit per èsser reconegut a la Cambra de las comunas del Canadà.
A l'Assemblada nacionala du Quebèc, un grop deu comportar:
- dotze elegits jos la bandièra d'un meteis partit politic;
- èsser un grop de deputats elegits jos la bandièra d'un partit politic e avent obtengut al mens 20 % dels vòte a las mai recentas eleccions generalas
Los deputats essent pas afiliats a un grop fan sessilha coma qu'independent.
Espanha modificar
Lo grop parlamentari es presenta dins fòrça institucions publicas espanhòlas, coma lo Congrès dels Deputats, lo Senat e las asambladaas autonòmas o localas.
Las condicions per formar un grop parlamentari son definidas pel reglament del Congrès o dels Diputados:cal comprene al mens 15 diputats o 10 senators pet formar grop parlamentari. Mai, una formacion política pòt formar un grop parlamentari a partir de 5 diputats, s'obtenguè 15% dels vòtes correspondent a las circunscripcions ont lo candidat se presentèt o 5% dels vòtes dins l'ensems de la nacion. Pòdon pas constituir Grop Parlamentari separat de Diputats apartenent a un meteis partit. Las formacions politicas que complisson pas aquelas condicions pòdon formar un grop mixte.
Estats Units d'America modificar
Al Congrès dels Estats Units, los gros parlementaris son oficialament nomenats « conferéncias » pel Partit republican e « caucus » pel Partit democrata.
Dins aqueles grops, los membres del Congrés pòdon tanben se reünir en foncion de lor tendéncias politicas: Blue Dog Coalition pels democratas conservators o Tea Party Caucus pels membres del movement Tea Party per exemple.
Fin finala i a tanben de caucus amassant los membres del Congrés segon de basas etnicas o racialas, coma lo caucus nègre del Congrés.
França modificar
Assemblada nacionala modificar
La nocion de grop politic a l'Assemblada nacionala es determinada per l'article 19 del reglament d'aquela quita assemblada. Cada grop deu comportar al minim 15[1] deputats. Èra de 30 fins a 1988, passèt a 20, puèi a 15 en 2009[2].
Aqueles que vòlon pas far plenament partit d'un grop pòdon pasmens s'i aparentar. Cada grop escriu una declaracion politica donada al President de l'Assemblada nacionala e designa un president.
Los pòstes de responsabilitat, los sètis dins las comissions permanentas e los temps de paraula son destriats a la representacion proporcionala dels grops. Es tanben los grops que causisson los orators pendent la sessilhas per pesar sus las decisions, per exemple dins las comissions permanentas. Los noninscrits a un grop pòdon interrogar sonque un còp cada dos meses los membres del govèrn pendent de questions al govèrn e son pas representats a la conferéncia dels presidents de l'Assemblada Nacionala, ont se fixa l’òrdre del jorn pels dirigents de grop[3].
Senat modificar
La nocion de grop politic al Senat es determinada per l'article 5 del règlament de la quita assemblada. Los grops devon representar al mens 10 senators (15 fins a 2011).
Itàlia modificar
Lo grop parlamentari es l'instrument qu'organiza la preséncia dels partits politics al sens de la Cambra, se nomena associazioni di deputati e definits coma "subjèctes necessaris al foncionament de la Cambra" (art 14 r.C); es dotat del sieu estatut o regolament. Cada elegit, pauc après la primièra sessilha de la cambra, deu declarar a qual grop aparten; s'o fa pas, o s'accepta pas, per quina rason que siá, de far partit de pas degun. Per far un grop cal 20 deputat e 10 senators: lo regolament prevei d'exepcions pels partits organizats sus tot lo territòri nacional.
Union europèa modificar
Al Parlament europèu, un grop se deu compausar de deputats apartenant a mai d'un Estat membre. Lo nombre minim de deputats necessaris per constituir un grop politic es fixat a
- vint e tres deputats s'apartenon a dos Estats membres
- detz e uèit deputas s'apartenon a tres Estats membres
- quatorze deputats s'apartenon a quatre Estats membres o mai.