Grand Atractor
Lo Grand Atractor es una anomalia gravitacionala que se situa au centre dau superamàs Laniakea e dins la region dau superamàs de l'Idra-Centaure. Indica l'existéncia d'una concentracion locala de massas equivalenta a de desenaus de miliers de Via Lactèa. Es en movement en direccion dau superamàs de Shapley.
Istòria modificar
Lo Grand Atractor foguèt descubèrt dins lo corrent deis ans 1970-1980 gràcias ai mesuras dau movement de la Via Lactèa e d'autrei galaxias. Aquò mostrèt que lo Grop Locau e un ensemble d'au mens 400 galaxias ellipticas se dirigisson vèrs una region massisa de l'Univèrs. Aquela region recebèt pauc a cha pauc lo nom de « Grand Atractor ». Sa posicion foguèt determinada gràcias a de mesuras realizadas de 1973 a 1986. Sa massa actuala foguèt estimada en 2005 per de mesuras de raionaments X.
Caracteristicas modificar
Segon lei conoissenças actualas, lo Grand Atractor es un objècte de natura desconeguda que se situa a una distància de 150 a 250 milions d'ans lutz de la Tèrra dins la direccion dei constellacions dau Triangle Austrau e de la Règla. Sa massa es de l'òrdre de 2.1016 massas solaras, siá dos còps la massa dau superamàs de Shapley. Es considerat coma l'objècte pus massís de l'Univèrs pròche de la Via Lactèa, mai un objècte encara pus massís podriá se trobar darrier.
Annèxas modificar
Liames intèrnes modificar
Bibliografia modificar
- Edmund Bertschinger e Roman Juszkiewicz, « Searching for the Great Attractor », The Astrophysical Journal, 1988, vol. 334, L59.
- Alan Dressler, Voyage to the Great Attractor: Exploring Intergalactic Space, Nòva York, Alfred A. Knopf, 1994, p. 355.