Wikipèdia

Grèva generau en Espanha deth 27 de seteme de 2024

Eth 27 de seteme de 2024, ua grèva generau s'amièc a tèrme en Espanha en solidaritat damb eth pòble palestinian ena guèrra entre Israèl e Gaza, convocada en tot er estat pes sindicats dera Confederacion Generau deth Trabalh (CGT) e dera Solidaritat Obrèra. Era demanda principau ère era trencadura des relacions diplomatiques e comerciaus entre eth govèrn d'Espanha e er Estat d'Israèl,[1] atau coma era madeisha accion institucionau ath nivèu autonomic.[2]

Era manifestacion en Barcelona.

Atau madeish, s'exigie er arrèst deth comèrç d’armes entre Espanha e Israèl, en compliment deth tractat dessús eth comèrç d'armes, ratificat per Estat espanhòu en 2014,[2] atau coma arreconéisher es refugiats palestiniani coma taus entà poder acuelher-les en Estat damb garanties.[3] En çò que tanh es demandes autonomiques, en Catalonha ua des peticions emetudes ath Govèrn dera Generalitat ère barrar era sedença dera Agéncia entara Competivitat dera Empresa en Tel Aviv,[2] deth temps qu'en País Valencian se demanaue ara Generalitat d'empedir qu'es vaishèths que transportauen armes en Israèl parèssen enes pòrts valencians a recargar era gasolina.[3] I auec tanben clams contra eth supòrt economic e militar des Estats Units e d'era Union Europèa, que reivindicauen que sense eth «aguest genocidi non aurie estat possible».[4]

Ena manifestacion unitària de Barcelona, en Catalonha, s'amassèren milèrs de persones as Jardinets de Gràcia (40.000 segon es organizadors, 4.500 segon era Guardia Urbana).[5]

Referéncias

modificar
  1. ↑ Brunet, Pau. «Vaga del 27 de setembre: aturada general i d'estudiants per la situació 'insostenible' de Palestina». Regió7, 24-09-2024.
  2. ↑ 2,0 2,1 et 2,2 Rigol, Meritxell. «Desenes d’organitzacions donen suport a la vaga del 27S per exigir trencar la "complicitat" en la massacre a Palestina». La Directa, 23-09-2024.
  3. ↑ 3,0 et 3,1 Sánchez, Gonzalo. «Casi 30 colectivos convocan una huelga general en València por la situación en Gaza». Levante-EMV, 24-09-2024.
  4. ↑ Criado, Rubén. «Huelga de estudiantes del 27S: convocatoria, lugares de manifestación y horarios de las protestas». As, 26-09-2024.
  5. ↑ «Milers de persones es manifesten a Barcelona en suport del poble palestí i del Líban». 3/24. 3Cat, 27-09-2024.
Recuperada de « https://oc.wikipedia.org/w/index.php?title=Grèva_generau_en_Espanha_deth_27_de_seteme_de_2024&oldid=2450620 »