Gondòla

Una gondòla (italian : [ˈɡondola] ; venèt : góndoła [ˈɡoŋdoɰa]) es un batèl de rems venecian tradicional de fons plan, ben adaptat a las condicions de la lòna veneciana. Es generalament propulsada per un gondolièr, que rema en popa amb un rem d'aviron qu'es pas fixat a la còca e que servís tanben d'empenta. Lo caractèr unic de la gondòla es degut a una forma asimetrica sus tota la longor, que melhora l'eficacitat de la propulsion amb un rem.

Passejada en gondòla.

Pendent de sègles, la gondòla foguèt un mejan de transpòrt màger e l'embarcacion pus correnta a Venècia. A l'epòca modèrna, los batèls jògan totjorn un ròtle dins los transpòrts publics de la vila, servissent de traghetti (pichons ferries) menat per dos remeires sul le Grand Canal .

Diferents tipes de gondòlas son tanben utilizadas dins de regatas especialas (corsas d'aviron) organizadas entre gondolièrs. Pasmens, lo lor ròtle principal uèi es de transportar los torists. I a aperaquí 400 gondolièrs agreats a Venècia e un nombre similari de batèls, en baissa respècte als milierats que que percorissián los canals i a de sègles.