Glòbe (joguet)

Pagina d'ajuda sus l'omonimia Pels articles omonims, vejatz Glòbe (omonimia).

Un glòbe es una mena de sac o recipient de material flexible, de forma mai o mens esferica e plen de gas, utilizat sovent coma joguet pels mainatges. Servís tanben de decoracion per d'aniversaris e d'autras fèstas juvenilas. Los glòbes constituisson tanben un bon supòrt publicitari pr'amor que se pòdon serigrafiar en colors variadas per d'eveniments o marcas comercialas. Los glòbes modèrnes se fabrican amb de materials coma la goma, lo latex o lo nilon, e pòdon adoptar de formas variadas que se manifèstan quand son conflats. Lo glòbe pòt basicament s'emplir amb d'aire o amb d'èli e, dins aquest cas, fa mestièr d'utilizar un conflador determinat. Aqueles darrièrs son los favorits dels mainatges pr'amor que s'enairan e se pòdon atal portar amb una còrda o los daissar anar o los daissar flotejar sus lo tech d'una abitacion. Los glòbes se comercializan per unitats o en borses. Lor modalitat espompida, es distribuida per de vendeires de carrièra.

glòbe dins un arbre

Autres emplecs dels glòbesModificar

Per lor color e espectacularitat, los glòbes s'utilizan dins d'eveniments coma concèrts, fèstas, fièras e inauguracions o espòrts, en los desliurant de manièra massissa dempuèi la tèrra o largats al public dempuèi amont o mejançant explosions amb de desliurança de confeti o d'autres elements. Los glòbes fan tanben partida de representacions de carrièra o de circ. Los modèls tubulars s'utilizan per crear de figuras divèrsas. Los artistas combinan las colors e forman de cans, espasas, chapèls..., que dònan après al public. Un jòc popular demest los mainatges consistís d'emplir los glòbes d'aiga e de los lançar entre els-meteisses. L'abiletat consistís a esquivar los missils mandats pels companhs.

IstòriaModificar

Los primièrs glòbes èran fachs de vessiga animala. Lo glòbe modèrne foguèt inventat per Michael Faraday al començament del sègle XIX, mas la produccion en massa se produsiguèt pas fins a l'annada de 1930.