Giraud de Salanhac
Giraud o Guiraud de Salanhac (fl. fin s. XII; en occitan ancian Guirautz o Giraut de Salaignac[1][N 1]; Salagna en nòrma mistralenca[1]) èra un trobador occitan. Se'n conserva pas qu'una vida brèva[2] qu'indica qu'èra originari de Salanhac en Carcin e qu'èra un òme cortés e que trobava plan e amb gràcia de cansos, descòrts e sirventeses. Doas cansos se son conservadas jos son nom, un plazer e un partimen. Mas una autra canso e un descòrt son tanben conservats al nom de Guilhem de Salanhac, nom que los erudits considèran coma una error de còpia de Giraut (son de pichons noms plan frequents e, sovent, s'indican amb una abreviacion G., que pòt èsser ambigüa)[3].
.jpg)  | |
| Biografia | |
|---|---|
| Floruit | sègle XII |
| Activitat | |
| Profession | Trobador e compositor |
|
| |
Dins una de las cançons atribuïdas a Guilhèm, es fa allusion a Azalaís de Tolosa, comtessa de Burlats, mòrta en 1200, çò que que permet de situar l'autor a la fin del sègle XII. A benlèu escrich jos son patronatge[4]. Las allusions a la caça e la cultura literària que mòstra dins sas òbras suggerisson qu'es un pichon senhor feudal, puslèu qu'un joglar, coma o ditz la vida[5]. Segon Egan, son castèl èra Salanhac[4].
Sa composicion èra caracterizada, segon son biograf, per "la gràcia e l'abiletat"[4].
Veire tanben
modificarBibliografia
modificarArticles connèxes
modificarLigams extèrnes
modificarNòtas e referéncias
modificarNòtas
modificar- ↑ Mistral escriguèt saique per error Salaingnac; una font medievala grafia Salaignac
Referéncias
modificar- ↑ 1,0 et 1,1 https://tdf.locongres.org/files/assets/common/page-substrates/page2048.jpg
- ↑ Riquer, Los trovadores p. 787
- ↑ Riquer, Los trovadores p. 785
- ↑ 4,0 4,1 et 4,2 Egan, Margarita, ed. The Vidas of the Troubadours. New York: Garland, 1984. ISBN: 0-8240-9437-9
- ↑ Riquer, Los trovadores, p. 786
- (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Giraut de Salanhac ».
- (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Giraut de Salignac ».
Wikidata: Q3779693
Multimedia: Giraut de Salignac
