Fondacion Occitània
La Fondacion Occitània es una associacion culturala occitana segon la lei de 1901 creada en 1994.
Istòria
modificarCreada aprèp una declaracion simbolica facha lo 16 de març de 1994 a Montsegur (Arièja), la Fondacion Occitània recampa d'actors de la vida civila, industriala, professions liberalas, particulars, que se vòlon implicar diferentament per sosténer e espandir la cultura occitana a travèrs una mesa en movement del mond economic notadament.
A menat un bon nombre d'accions depuèi 1994 e participèt activament a la creacion de la Convergéncia Occitana en 1998.
Participèt tanben al projècte "NIKAN" en 1998 qu'aviá coma tòca d'organizar lo 2nd Congrès internacional sul desvolopament durable e nosèt en aquela escasença de ligams fòrça estreches amb Quebèc, e mai particularament amb los amerindians canadians "Montagnais" que la lor delegacion foguèt recebuda mantun còp a Tolosa e dins Arièja dempuèi aquel temps. Es portaira d'un projècte de monument per Montsegur que sa maqueta es estada realizada pel Danièl Coulet "Monument pels ausèls de Montsegur", Arca de 8 mètres de long e de 6 mètres de naut en bronze que serà pausat dins lo parçan del "pòg" tre lo finançament recampat.
La Fondacion Occitània pòrta tanben lo projècte de creacion d'un "Platèu Mèdia" a l'Ostal d'Occitània de Tolosa que deu permetre de dispausar, d'un estudiò de ràdio e television virat cap als mèdias de la region (Ràdio Occitània, Ràdio Albigés, Ràdio Lengadòc, Ràdio País, Òc-Tv net....)
S'agís tanben de butar una vertadièra agéncia de premsa occitanofòna a Tolosa, disponibla per tornar difusar totas las informacions sul sicut o concernent Occitània bèla.
Lo sèti de l'associacion se tròba a l'Ostal d'Occitania (11 carrièra Malcosinat 31000 Tolosa)