Florian Vernet

Florian Vernet (Besièrs, 19 d'abril de 1941) es un lingüista, pedagòg e escrivan occitan. Foguèt professor d'occitan a l'Universitat Pau Valèri de Montpelhièr abans de prendre la retirada en 2006. Es tanben un dels membres de l'Acadèmia Occitana-Consistòri del Gai Saber, a l'encòp del conselh lingüistic del Congrès Permanent de la Lenga Occitana e de l'Institut d'Estudis Araneses-Acadèmia Aranesa de la Lenga Occitana.

Florian Vernet
Naissença	19 d'abril de 1941, Besièrs, Erau, Occitània (francés de nacionalitat)
Ocupacion	ensenhament, escrivan
Prèmis
Prèmi Jaufre Rudèl (2005)

Biografia

Florian Vernet nasquèt en 1941 dins una familha que l'occitan de Besièrs s'i barrejava amb lo lengadocian meridional. Obtenguèt son Capès d'espanhòl en 1965 e en 1969 se n'anèt cap a Provença per trabalhar al licèu de Brinhòlas. Venguèt puèi, tres ans aprèp, ensenhaire d'occitan dins aquel quite establiment. Mai avant, tre 1975, trabalhèt tanben coma cargat de corses d'occitan a l'Escòla Normala de Draguinhan ont ensenhèt fins a 1988. Publiquèt mantuna de sas òbras en fulheton dins la pagina "Mesclum" del jornal La Marseillaise entre 1992 e 1997. Arribèt puèi a l'Universitat de Montpelhièr e en setembre de 1998 venguèt lo director del departament d'occitan. Son recuèlh de novèlas Vidas e engranatges li faguèt ganhar lo Prèmi Jaufre Rudèl en 2005. En 2011 donèt al Cirdòc una òbra manuscricha suls manlèus del francés a l'occitan.

Òbras Literarias

Pròsa (Novèlas e Romans)

• "Qualques nòvas d'endacòm mai" - Edi. IEO - Col. A tots - 1976.
• "Miraus escurs e rabats de guingòi" - Edi. IEO - Col. A tots - 1991.
• "E freud dins aquò? seguit de My name is Degun" - Edi. IEO - Col. A tots-Crimis 126, 1995.
• "Comedias provençalas = Comédies provençales" (amb Gaspard Zerbin) - Edi. Atlantica - 2001.
• "Ont'a passat, ma planeta? : seguit de Suça-sang connexion" - Edi. IEO - Col A tots-Crimis, 2001. (publicat inicialment en fuelheton dins lo jornal La Marselhesa en 1995)
• "Popre ficcion : Roman cosmico-marselhés" - Edi. IEO - Col. A tots-Crimis - 2001.
• "Vidas e engranatges" - Edi. IEO - Col. A tots - 2004.
• "J@rdin de las Delícias.com" - Edi. IEO - Col A tots - 2007.
• "La princesa Valentina e autres contes" - Edi. CRDP - 2008.
• "Fin de partida" - Edi. IEO Lengadòc - 2013
• "La nau dels fòls" - Edi. IEO - Col. A tots - 2016.
• "Cachavièlha psicomotritz" - Edi.IEO - Col. A tots - 2018
• "Metaf(r)iccions a Collisioncity" - Edi. IEO - Col. A tots-Crimis - 2020
• "666 e avisa-te que soi pas nostradamus" - Edi. E...rau - 2022
• "Cronicas del diluvi" - Edi. IEO - Col. A tots - 2022

Aisinas Lingüisticas

• "Petit lexique du provençal à l'époque baroque" - Edi. Institut d'études niçoises & Centre d'études occitanes - 1996
• "Dictionnaire grammatical de l’occitan moderne" - Edi. CEO - 2000
• "Dictionnaire grammatical de l'occitan moderne, selon les parlers languedociens" - Edi. Presses universitaires de la Méditerranée - 2004
• "Vocabulaire thématique français-occitan : Selon les parlers languedociens" - Edi. Presses universitaires de la Méditerranée - 2005
• "Que dalle! Quand l'argot parle occitan" - Edi. Institut d'Estudis Occitans - Col. Uèi - 2007
• "Gramatica de l’occitan estandard" - Edi IEO - Col. Pedagogia - 2020
• "Dictionnaire grammatical de l'occitan moderne, nòva edicion" - Edi. Presses universitaires de la Méditerranée - 2021

Ligams extèrnes

• Diccionari dels mots franceses que venon de l'occitan a la mediatèca Occitanica