Filon d'Alexàndria

Filon d'Alexàndria (c. 20 abC-c. 45 apC) qu'estó un filosòf judiu ellenistic que vivè a Alexàndria dins la província romana d'Egipte.

Qu'escrivó un sarròt de tractats sus la lei mosaïca. La soa òbra qu'ei màgerament apologetica, entenent demostrar la perfèita adequacion enter la fe judiva e la filosofia ellenistica. N'avó pas brica influéncia suu judaïsme mes si qu'estó ua hont d'inspiracion feconda entaus Pairs de la Glèsia. Eusèbi de Cesarèa dens la soa «Istòria eclesiastica» que hè un arrecuelh deus sons escriuts.

La soleta hèita la data de la quau ei segura qu'ei la soa participacion a l'ambaishada enviada peus judius d'Alexàndria a l'emperaire Caligula en l'an 40 tà demandar la soa proteccion arron de las susmautas antijudivas d'Alexàndria.