Experiéncia de Michelson–Morley
L’experiéncia de Michelson–Morley es una experiéncia d'optica menada entre 1881 e 1887 per Albert A. Michelson (1852-1931) e Edward Morley (1838-1923). Son objectiu èra de demostrar l'existéncia de l'etèr. Per aquò, utilizèron un interferomètre optic en vista de mesurar la velocitat de la lutz a respècte de l'etèr, son supòrt materiau. Pasmens, que que siegue la configuracion de l'experiéncia, mesurèron unicament una velocitat constanta. Aquò èra un resultat susprenent qu'invalidèt lo modèl de la mecanica newtoniana e que menèt quauqueis annadas pus tard au desvolopament de la relativitat d'Einstein. Per aquela rason, l’experiéncia de Michelson–Morley es considerada coma una deis experiéncias pus importanta de l'istòria dei sciéncias.
