Los concèptes de '''bacin mediterranèu''' e de '''mondemond mediterranèu''' (var. '''monde mediterranèu''') designan las regions se trobant a l'entorn de [[Mediterranèa]]. Aquelas regions mediterranèas s'espandisson del sud d'[[Euròpa]], a l'[[Orient Mejan]] e l'[[Africa del Nòrd]]. La limita del bacin o del monde mediterranèu se referís subretot al [[clima mediterranèu]] e mai particularament la limita de la cultura de l'[[olivièr]]. D'autres critèris culturals o istorics permeton tanben de delimitar la region mediterranèa. La cultura o la civilizacion mediterranèa es alara definida per un eritatge antic o medieval fòrt, ligat a las [[civilizacion]]s [[civilizacion grècoromana|grècoromana]], [[Civilizacion islamica|islamica]] e de la [[cristianitat]]. Aquela cultura se materializa dins l'alimentacion per la predominància dels [[legum]]s, dels [[fruch]]es, del [[peis]], del [[pan]], de l'[[òli d'oliva]] e del [[vin]].
Lo bacin mediterranèu es marcat per d'iniciativas politicas recentas coma lo [[processus de Barcelona]], [[Union mediterranèa]] e la [[zona euromediterranèa de libre escambi]]. De [[Jòcs mediterranèus]] existisson dempuèi 1951.
