Carbon de lenha

Lo carbon vegetal es un material combustible solide, fragil e porós amb un naut contengut en carbon (aproximativament 80%). Se produís per caufament de fusta e d'autres residús vegetals, a de temperaturas que varian entre 400 e 700 °C, en abséncia d'aire.

Carbon vegetal.

Lo poder calorific del carbon vegetal varia entre 29 000 e 35 000 kJ/kg, e es fòrça superior a aquel de la fusta, que varia entre 12 000 e 21 000 kJ/kg.

Istòria

Lo carbon vegetal foguèt utilizat coma combustible dempuèi de temps antics dins de carbonièras, mas la produccion descresquèt replaçada per l'utilizacion del gas natural, l'electricitat e lo petròli, perque èran de produccion mai economica. Actualament lo carbon vegetal es d'usatge pauc abitual coma font de poder calorific domestic e la produccion dins las carbonièras es una apròcha mai etnografica que productiva.