Ramon Berenguièr IV de Barcelona : Diferéncia entre lei versions

Sos parents èran [[Ramon Berenguièr III de Barcelona]] e [[Doça de Gavaudan]]. N'eiretèt lo [[comtat de Barcelona]] lo [[19 de julhet]] de [[1131]]. L'[[11 d'agost]] de [[1137]], a [[Òsca]], foguèt promés a l'infanta [[Peironèla d'Aragond’Aragon]], annadida de 3 ans a l'epòca. Lo paire d'aquela, [[Ramir II d'Aragon|Ramiro II d'Aragon]], qu'aviá demandat l'ajuda del comtat de Barcelona contra [[Anfós VII de Castelha]], abdiquèt lo [[13 de novembre]] de la meteissa annada, en legant son reialme a Peironela e a son espós. Ramon Berenguièr IV governèt d'ara enavant Aragon, sens, caquelà, se'n far coronar rei; preferissiá portar lo títol de [[comte de Barcelona]] e prince del [[reialme d'Aragon]]. Foguèt lo darrièr monarca catalan qu'utilizèt en primièr luòc lo títol de comte de Barcelona; a partir de son filh [[Anfós II d'Aragon]], los comtes de Barcelona utilizèron d'en primièr lo títol de reis d'Aragon.