Escòla sienesa

Se sòna Escòla sienesa o Escòla de Siena un movement artistic de la fin de l'Edat Mejana e del començament de la Renaissença italiana que se mostrèt en pintura, escultura e arquitectura.

Taddeo di Bartolo, Verge amb l'Enfant Jesus, segle XIV.

Nasquèt en Toscana al segle XIII e se perpetuèt duscal segle XV, mentre que capitèt de rivalizar amb d'autras escòlas de pintura coma la de Florença. A la diferéncia de l'escòla florentina, l'escòla sienesa se caracterizava per un grand conservatisme dins las tecnicas picturalas, los tèmas, lo dessenh e l'apròchi de la simbolica.

Demest los seus representants mai importants se pòdon citar Duccio di Buoninsegna (las òbras de qui mòstran una certa influéncia bizantina), lo seu aprendís Simone Martini, los fraires Pietro e Ambrogio Lorenzetti, Taddeo di Bartolo e lo seu nebot Domenico, Stefano di Giovanni (dich lo Sassetta) e Matteo di Giovanni.

L'escòla sienesa aviá fòrça de traches comuns amb l'iconogràfia bizantina, pr'aquò que l'espression dels visatges, entre d'autras innovacions, i foguèt mai desvolopada que dins la pintura d'Orient.

Contèxte

La ciutat de Siena foguèt fondada per Senius, lo filh de Romul e Rème, segon lo mite local. Èra la rivala de totjorn de Florença. Foguèt la darrièra ciutat que tombèt jol contraròtle florentin en 1555. Siena èra una ciutat rica que joguèt un ròtle de grand pes dins la politica italiana : lo retorn dels Papas en Itàlia es atribuit a Caterina de Siena e, es a Siena, en 1433, que l'emperaire Sigismond de Luxemborg sojornèt abans que tornar a Roma per s'i far coronar. Tamben, Pie II, elegit en 1458, veniá de Siena.

Los artistas

1251-1300

Guido da Sienna,Maestà, glèisa San Domenico de Siena.

• Coppo di Marcovaldo
• Dietisalvi di Speme
• Guido da Siena
• Rinaldo da Siena
• Arnolfo di Cambio
• Guido di Graziano
• Vigoroso da Siena

1301-1350

Simone Martini e Lippo Memmi, Anonciacion e dòs sants.

• Barna da Siena
• Duccio di Buoninsegna
• Ambrogio Lorenzetti
• Pietro Lorenzetti
• Ugolino Lorenzetti
• Ugolino di Nerio
• Lippo Memmi
• Segna di Bonaventura
• Simone Martini
• Naddo Ceccarelli

1351-1400

• Bartolo di Fredi
• Spinello Aretino
• Domenico di Bartolo
• Taddeo di Bartolo
• Andrea Vanni
• Paolo di Giovanni Fei
• Lippo Vanni
• Niccolò di Buonaccorso (o Bonaccorso, 1355 - 1388)

1401-1450

Benedetto di Bindo, Arliquera amb d'àngels e istòria de la Crotz Vertadièra (1412).

• Giovanni di Paolo
• Pietro di Giovanni d'Ambrogio
• Il Sassetta, Stefano di Giovanni
• Benedetto di Bindo
• Martino di Bartolomeo
• Gregorio di Cecco
• Sano di Pietro
• Priamo della Quercia
• Domenico di Bartolo
• Lorenzo di Pietro (Vecchietta)
• Maestro dell'Osservanza

1451-1500

Sano di Pietro, Predicacion de sant Bernardin sul Campo di Siena.

• Matteo di Giovanni
• Francesco di Giorgio Martini
• Neroccio di Bartolomeo de' Landi
• Pietro di Francesco degli Orioli
• Sano di Pietro
• Maestro dell'Osservanza

1501-1550

• Domenico di Pace Beccafumi
• Lo Sodoma, (Giovanni Antonio Bazzi, dich ~)
• Baldassarre Peruzzi
• Lo Riccio, (Bartolomeo di Sebastiano Neroni, dich ~)

1551-1650

• Alessandro Casolani
• Rutilio Manetti
• Ventura Salimbeni
• Francesco Vanni

Bibliogràfia

• Daniel Arasse, L'Homme en perspective - Les primitifs d'Italie, ed. Hazan, Paris, 2008 (francés)
• Marco Pierini, Arte a Siena, ed. Scala, Florença, 2004 (italian)