Entenduda Corala

L’Entenduda Corala es un acòrdi conclut lo 8 d'abriu de 1904 entre França e lo Reiaume Unit. Negociat après la crisi de Fachoda, èra inicialament de tractat de partiment coloniau en Africa :

• França renoncièt a blocar leis accions dau Reiaume Unit en Egipte. En cambi, Londres laissava lo contraròtle de Marròc a París.
• França abandonèt sei drechs de pesca dins la region de Tèrra Nòva en cambi de divèrsei compensacions en Africa.
• de zònas d'influéncia francesa e britanica son definidas en Siam.
• lei Nòvas Ebridas venguèron un condominium francobritanic.

Dessenh de 1904 celebrant la conclusion de l'Entenduda Corala.

Aquel acòrdi foguèt pas acompanhat d'una declaracion de politica generala e integrèt ges de clausa militara. Pasmens, tre 1905, leis ambicions navalas alemandas o transformèron pauc a pauc en aliança militara vertadiera. D'efiech, menaçada per la volontat de Berlin de construrre una importanta flòta de superficia, Londres chausiguèt de se raprochar de París per partejar lei ròtles en Mar Mediterranèa e concentrar mai de mejans en Mar dau Nòrd. Ansin, en 1907, après lo reglament dei desacòrdis coloniaus russobritanics, l'Entenduda Corala venguèt la basa de la Tripla Entenduda.

Liames intèrnes

• Premiera Guèrra Mondiala.
• Tripla Entenduda.

Bibliografia

• (cs) Marcela Hennlichová, Entente cordiale: vývoj britsko-francouzských vztahů na cestě k Srdečné dohodě, 1898-1904, 2020.