Elsa Artadi i Vila
Elsa Artadi i Vila (Barcelona, 1976) qu'ei ua universitària, ua economista e ua dauna politica catalana.
Titulara d'un doctorat de l'Universitat de Harvard, qu'ensenhè en Italia e en China e qu'a tribalhat entà la Banca Mondiau.
En 2011 qu'entrè au servici deu Departament d'Economia de la Generalitat de Catalonha e en 2013 que la hidèn la direccion deus jòcs e atau que creè la Bèra de Cap d'An (Grossa de Cap d'Any, en catalan, un tirage d'endom e de mediatizacion exepcionaus)
A l'escadença de la eleccions deu 21 de decème de 2017 (convocadas peu Govern deu Reiaume d'Espanha entà avalir lo parlament de majoritat sobeiranista qu'avè delcada l'independència) que ho directritz de campanha de Junts per Catalunya, elejuda[1] per la circonscripcion de Barcelona ; qu'ei tanben cridaira d'aqueste partit.
Se s'escadesse que lo president Carles Puigdemont non posquèsse pas estar investit, lo son nòm qu'ei estat mentavut entà'u substituir[2].
