Economia d'Ucraïna
Après Russia, la Republica Socialista Sovietica d'Ucraïna èra la mai importanta republica de l'Union Sovietica en tèrmes economics. Lo sieu sòl fèrtil produsissiá 1/4 de la produccion agricòla sovietica. Après l'independéncia en 1991 lo sieu govèrn liberèt la majoritat dels prèses e ensagèt de començar un procès de privatizacion, mas aiçò sofriguèt de fòrtas resisténcias dins lo govèrn e lo legislatiu. La produccion en 1999 caiguèt a mens de 40% de la de l'an 1991[1].
| Economia d'Ucraïna | |
|---|---|
  | |
| Moneda | hryvnia |
| Organizacions comercialas | OMC, CEI, GUAM |
| Estadisticas[1] | |
| PIB | USD 334.2 miliards (2015) |
| Reng PIB | 50ena granda[2] |
| Creissença del PIB | -11% (2015) |
| PIB per càpita | 8 000 (2015) |
| PIB per sector | agricultura 13.3%, industria 24.4%, servicis 62.7% |
| Inflacion | 49%(2015) |
| IDH | cap d'informacions |
| Populacion jol lindal de pauretat | 24.1% (2010) |
| Fòrça de trabalh | 19 590 000 (2015) |
| Fòrça de trabalh per ocupacion | agricultura 5.6%, industria 26%, servicis 68.4% |
| Caumatge | 10.5% (2015) |
| Partenaris comercials[1] | |
| Expòrts | 37.61 miliards (2015) |
| Sòcis principals | Russia 18.2%, Turquia 6.6%, Egipte 5.3%, Republica Populara de China 5%, Polonha 4.9%, Itàlia 4.6% (2014) |
| Impòrts | 37.15 miliards (2015) |
| Sòcis principals | Russia 23.3%, Republica Populara de China 10%, Alemanha 9.9%, Bielorussia 7.3%, Polonha 5.6% (2014) |
| Finanças publicas[1] | |
| Deute extèrne | 127.5 miliards (2015) |
| Revenguts | USD cap d'informacions |
| Despensas | 29.36 miliards (2015) |
Ucraïna es fòrça dependenta de las fonts d'energia de Russia. Gaireben 3/4 del gas natural e del petròli consomat dins lo país, plan aital 100% del combustible nuclear son importat[1].
Lo produch interior brut cresquèt mai de 7% a l'an entre 2006 e 2007 impulsat pels prèses internacionals de l'acièr. Malgrat aiçò, en 2008 lo país comencèt a èsser afectat per la crisi internacionala e en 2009 la creissença caiguèt de mai de 14%, una de las piègers retraccions economicas del mond[1].
