Discussion Wikipèdia:Presa de decision/Associacion

Dempuèi d'annadas s'evòca l'oportunitat e l'interès de crear una associacion Wikimèdia per l'occitan.
Aquí d'unas discussions ancianas a prepaus d'aquel subjècte ː Wikipèdia:Proposicion de creacion d'ua associacion

L'intervencion de Wikimédia France sul subjècte ː Wikimédia France serait heureuse de pouvoir aider à la création/participation d'une « associacion Wikimèdia per l'occitan ». Il faudrait aussi tenir au courant la Wikimedia Foundation (qui possède la marque « Wikimédia », voir la page m:Affiliations Committee/fr). Cdlt, VIGNERON (d) 16 de junh de de 2014 a 15.16 (UTC)

Mercé de metre vòstres arguments dins la categoria que conven

Soi per l'idèa d'una associacion per la Wikipèdia occitana

Mocion 1

Una associacion oficiala Wikimèdia per l'occitan permetriá dins un quadre legal, de far la promocion dels projèctes Wikipèdia, Wikiccionari, Commons, etc...
Permetriá a la lenga de beneficiar d'una visibilitat mai fòrta e de se posicionar coma interlocutor alprèp del monde cultural occitan, alprèp del public al sens larg, alprèp de las institucions e alprèp de las comunautats "del liure" e del multimèdia en general.
A tèrme, de budgets poirián èsser obtenguts per comunicar sus nòstres projèctes e/o salariar de monde per gerir l'aspècte tecnic, coma aquò es lo cas per d'unas lengas.
A qualques (paucs) fondators de la Wikipèdia occitana, amb aquela idèa, bastiguèrem, fa qualques annadas, l'associacion "Tot en òc", qu'amb son site internet www.totenoc.org nos permet de publicar los projèctes e traduccions de logicials que realizam.
Al moment que de mai en mai d'estructuras e de monde an besonh d'aisinas informaticas e que de proposicions de collaboracion ambiciosas nos son fachas (ne vos parlarai mai en detalh), poiriam utilizar aquela associacion puslèu que de ne bastir una novèla. Nos cal retocar los estatuts (per mai d'independéncia e de neutralitat) e nos melhor estructurar. L'estructura existís e pòt ja se prevaler de realizacions concretas e d'un istoric ; sufiriá de la far evoluar dins lo sens que volèm.
--Cedric31 (d) 25 mai de 2014 a 11.32 (UTC)

Adieu Cedric, es una idèa de las bonas. Te seguissi. — Joan Francés B. ^{(me´n parlar)} 25 mai de 2014 a 11.24 (UTC)

Adieu, perdon d'aver pas res dich abans mas aviai pas mai d'ordinador fins ièr e m'avisi ara qu'es talament pichon qu'ai pas los botons complementaris pels accents... arghh! Coma o aviai dich anteriorament (me repetissi tornarmai) pensi pas que calga emplegar Tot en òc per aquò. 1) Implica de cambiaments e de redefinicions de l'associacion 2) Implica pels volontaris de se trobar amb una estructura, un passat e d'afiliacions que coneissem pas pro/ges/gaire e que ieu personalament ai pas enveja d'assumir 3) A pas dins son nom res que connecte clarament a la Wikipèdia...

O aviai ja dich e n'aviam ja parlat (e mai tornèri botar l'idèa sus la taula fa pas gaire...), e mai pensi qu'una part de las gents èran d'acòrdi amb aquò, lo nom que probablament conven mai es Wikiòc qu'es pro clar, novèl, sens passat bon o marrit, e que doncas aital deuria permètre a mantuna persona actualament, e posteriorament, d'i aderir e que pòt dobrir la pòrta a venir un Usergroup de la Fondacion Wikimedia pro lèu (e la referéncia Wiki- es vitala en aqueste cas). Vesi pas quin problèma i a d'aver las doas associacions en parallèl, que a mai podrian collaborar perfièchament entre elas e s'ajudar mutualament, mai encara se i a de personas que son membres de totas doas.

Aprèp ne vòli pas debatre dos cents ans, ai ja dich mai d'un còp mon ponch de vista e ai de causas mai importantas de far entre familha, trabalh, tèsi, wikipèdia e autras... Mercés, a lèu, amistats, Claudi/Capsot (d) 25 mai de 2014 a 16.45 (UTC) PS: Perdon pels accents aguts...

Mocion 2

Es una bona idèa que exista una associacion oficiala per les projèctes de Wikimèdia en lenga occitana. I agree.----X4v13r3 (d) 26 mai de 2014 a 02.45 (UTC)