Lei Diomedeidae son una familha d'aucèus marins de l'òrdre dei Procellariiformes. Son generalament dichs « albatròs » en occitan. Leis individús adults mesuran de 71 a 135 cm per una massa de 6 a 12 kg. An d'alas fòrça lòngas e lo grand albatròs (Diomedea exulans) a l'envergadura pus granda dau rèine animau actuau (fins a 3,50 m). En causa d'aquela talha, l'enaurament es sovent malaisat mai lo vòl planat es fòrça simple e leis albatròs pòdon realizar de viatges de plusors miliers de quilomètres sensa dificultat. Lor regime alimentari es compausat de peis, de tautenas e de krill. Lei pareus demòran generalament fidèus e nisan en colonias sus d'illas isoladas.

Uei, la familha deis albatròs contèn 22 espècias. En causa d'un taus de reproduccion feble, de l'introduccion de predators terrèstres dins leis illas, de l'aumentacion de la pollucion marina e de la demenicion dei populacions de peis, 18 son consideradas coma menaçadas.

Liames intèrnes modificar

Bibliografia modificar

Nòtas e referéncias modificar