Delphine Batho

Delphine Batho es una femna politica francesa, nascuda lo 23 de març de 1973 a París.

Líder sindicala estudianta e de SOS Racisme, especialista de la securitat al Partit Socialista, succediguèt a Ségolène Royal coma deputada de la 2^a circonscripcion de las Doas Sèvras en 2007. Pòrtaparaula de François Hollande, pendent la campanha presidenciala de 2012^[1], foguèt nomenada ministre delegada prèp de la ministra de la justícia dins lo govèrn de Jean-Marc Ayrault.

Carrièra

Jovença militanta a la FIDL e SOS Racisme

Filha dels fotografes John Batho, ancian obrièr del libre CGT puèi als Archius Nacionals, e Claude Batho, que moriguèt quand aviá pas que 8 ans, Delphine Batho comencèt de militar al collègi dins d'operacions umanitàrias^[2] e pendent de manifestacions liceanas de 1986^[3], politicament influenciada pels artistas coma Daniel Balavoine, Coluche e Pierre Desproges^[4].

Adheriguèt en 1988 a SOS Racisme e a la Federacion independanta e democratica liceana, que ne prenguèt la presidéncia dos ans mai tard^[5]. Aprèp dos meses de caumas, lo movement obtenguèt de Lionel Jospin, ministre de l’Educacion Nacionala, 4,5 miliards de francs per la renovacion dels licèus e de nòus dreches pels liceans.

Bachelierada en 1992, estudièt l'istòria. Venguèt vicepresidenta de SOS Racisme en setembre de 1992 al costat del nòu president Fodé Sylla, aprèp lo depart d’Harlem Désir.

Primièrs passes al Partit Socialista

Aderiguèt al PS en 1994. Èra alara membra del corrent l'Esquèrra socialista amb Julien Dray, e comencèt de trabalhar suls tèmas de la securitat^[6]. Al congrès de Grenòble de 2000, dintrèt al Burèl nacional. En 2003 demorèt fidèla a Julien Dray que ne foguèt l'emplegada al Conselh Regional d'Illa de França, en carga de las questions de securitat.

Se liguèt a François Hollande al congrès de Dijon (mai de 2003) e venguèt secretària nacionala, encargada de la securitat.

Per l'eleccion presidenciala de 2007 Batho e Julien Dray èran dels pròches de Ségolène Royal e la conselhièra^[7].

Deputada de las Doas Sèvras

A las elections legislativas de 2007, Delphine Batho venguèt candidata dins la 2^a circonscripcion de las Doas Sèvras ont Ségolène Royal se presentèt per evitar lo cumul dels mandats^[8].

Delphine Batho èra vicepresidenta del grop socialista a l'Assemblada Nacionala encargada de la securitat^[9].

Ministra

Del 16 de mai de 2012 au 2 de julhet de 2013, foguèt ministra delegada prèp de la Garda dels Sagèls, ministra de la Justícia dins lo govèrn de Jean-Marc Ayrault.

Referéncias

↑ (fr)Site internet de François Hollande.
↑ hémicycle (fr)Eric Fottorino, « Delphine Batho, petite-fille de 1789 et 1981 », L'Hémicycle, 28 de març de 2012.
↑ lepoint Delphine Batho, déléguée à la Justice, lepoint.fr, 16 de mai de 2012.
↑ hemicycle
↑ name=lepoint
↑ lepoint
↑ "Le Monde" (fr)Cf. l'article du journal Le Monde du 27/03/2007, La dauphine de Royal, per Isabelle Mandraud
↑ (fr)« Royal : "Ai pas l'intencion de me tornar presentar a la deputacion" », Libération, 11 de mai de 2007.
↑ (fr)Presentacion del Grop Socialista a l'Assemblada

Annèxes

Ligams extèrnes

(fr)Blòg del sector Securitat del Partit Socialista, amb fòrça escriches de Delphine Batho.
(fr)Bibliografia sul site de l'Assemblada Nacionala.

[1] (fr)Site internet de François Hollande.

[2] hémicycle (fr)Eric Fottorino, « Delphine Batho, petite-fille de 1789 et 1981 », L'Hémicycle, 28 de març de 2012.

[3] t Delphine Batho, déléguée à la Justice, lepoint.fr, 16 de mai de 2012.

[4] ycle

[5] =lepoint

[6] t

[7] "Le Monde" (fr)Cf. l'article du journal Le Monde du 27/03/2007, La dauphine de Royal, per Isabelle Mandraud

[8] (fr)« Royal : "Ai pas l'intencion de me tornar presentar a la deputacion" », Libération, 11 de mai de 2007.

[9] (fr)Presentacion del Grop Socialista a l'Assemblada

[1]

[2]

[3]

[4]

[5]

[6]

[7]

[8]

[9]